Importante vitoria do Bm. Camariñas ante o Pabellón-Foto-Emilio Roca

Equipos da zona alta visitaban o Vila de Noia e o Areal, e ambos saían escaldados de enfrontarse antes os líderes da 1ª Estatal e 1ª Autonómica. Autoritarios os equipos costeiros nas súas ligas, mantendo os seus postos de privilexio. Así, xornada importante para o Calvo Xiria, que vencía ao 3º, e ademais vía como o inmediato perseguidor, o Porriño, caía na Caiñza polo que a vantaxe aumenta a 4 puntos. Pola súa parte o cadro camariñán mantén 5 puntos de marxe sobre o Ribeiro.

 

1ª Estatal Masculina, x. 22

• Resultado: Calvo Xiria - Embutidos Lalinense Bm Lalín (28-25)
• Calvo Xiria: Santiago Gómez [p], Martín Gómez [p], Brais Puñal, Pablo Iglesias (6), Uxío Batán, Sergio Facal (4), Gonzalo Pombo, Alejandro Calvete (1), Javier Rodríguez, Julián López (2), Hugo Rodríguez (5), Martín Alfeirán (4), Jorge Bouzas (1), Manuel Méndez (1), Miguel Suárez-Pumariega, Carlos Vilanova (4).

Gran partido ante case medio millar de espectadores (dúas das grandes afeccións da categoría e así o demostraron enchendo de cor o pavillón) o vivido o sábado, con moita rivalidade, emoción e igualdade.

Comezou o Lalín máis acertado pero xa antes de que se chegasen aos 10 minutos o Calvo tomou a dianteira, A partir de aí o Calvo sempre tivo unha pequena vantaxe pero o Lalín non se deixou levar en ningún momento e só a tranquilidade e as boas lecturas permitiron aos locais manter 3 puntos vitais.

 

1ª Autonómica masculina, x.16

• Resultado: Bm. Camariñas - Pabellón Ourense (26-23)
• Bm. Camariñas: Víctor (p), Cristian (p), Alan (2), Fari (6), Eusebio (4), Fabián (3), Moncho, Fabio, Héctor (2), Catalán (6), Fran, Antelo (1), Diego e Xabi (1)

Imaxe do Bm Camariñas-Pabellón Ourense-Foto-Emilio Roca

Presentábase un partido dificil no Areal, xa que a boa defensa do Ourense sempre se lle fai dificil aos de Camariñas. Aínda que os locais sempre foron por diante no marcador, a diferenza dos esperados ao cadro camariñán. Soubo lidiar o técnico Juan Ramón ao equipo rival non deixándose levar polos continuos intentos desestabilizadores legais e ilegais do técnico visitante, que intentou romper de todos os xeitos posibles a cohesión do equipo conservero. Proba de todo iso foron as 9 exclusións camariñás por soamente 3 visitantes.

O próximo partido será de novo en Camariñas, o próximo sabado 11 de marzo ás 18:30 no pabellón municipal de Camariñas "O Areal", derbi provincial contra o Pontedeume, que agora mesmo non está pasando polo seu mellor momento, pero ante o Camariñas sempre se crece, prometendo un enfrontamento entretido.

 

1ª Autonómica Feminina, x.3

• Resultado: Bm. Tui - Encaixe Camariñas (18-24)

Pola súa banda o equipo feminino segue sen sorte, xa que mereceu algo máis ante o Tui, no partido que tiña aprazado da terceira xornada que terminou cun inxusto 18-24.

 

Máis información

• Resultados e clasificacións da 1ª Estatal masculina (Calvo Xiria).
• Resultados e clasificacións da 1ª Autonómica masculina (Bm. Camariñas).
• Resultados e clasificacións da 2ª Autonómica Feminina (Encaixe Camariñas).

Novas relacionadas

• De volta á fácil senda da vitoria:
• Entradas de balonmán que limpan cuíños.
• As Selección Española Junior xogarase en marzo a clasificación para o Europeo de Balonmán en Carballo.

Crónicas deste curso

• O Bm. Camariñas sofre a primeira derrota tras case 10 meses.
• Doble vitoria, de novo.
• O Xiria ten que recuperar o fío que non perde o Camariñas.
• Invicto só queda un.
• Gañar por inercia.
• Xiria e Camariñas acaban invictos o 2016.
• Ampliando a vantaxe para pasar un Nadal tranquilo.
• Invictus.
• O Norte ó poder.
• O Calvo, máis líder e de novo representante galego na Federación Española.
• O Balonmán Camariñas, a defensa menos goleada do campionato.
• Balonmán: Posta de longo para o Bm. Camariñas.
• O Xallas ponse de longo mentres Xiria e Conservas seguen en marcha.
• A canteira do Xiria pode coa carteira do Chapela mentres o Bm. Camariñas quece motores.
• Carballo vístese de verde Xiria>Carballo vístese de verde Xiria.

Outras novas

• O Basket Xiria quere afianzar a súa canteira pontecesá.
• O equipos do Basket Xiria póñense en marcha.
• A creación do primeiro equipo sénior feminino é unha chulada para o Carballo Basket”.
• 10 anos para un Basket Xiria que segue medrando.

Fonte

• Redacción de QPC ([email protected]).