Balonmán: O Xiria mantén o pulso polo título

Balonmán: O Xiria mantén o pulso polo título

10:58 27/02/18

Non cede o Calvo Xiria mantendo o pulso do At. Novás. Os carballesese visitaban a pista do 5º clasificado e vencían sen demasiados problemas, o que lle permite seguir na 2ª praza, a 3 puntos do líder, e con 4 puntos de vantaxe aos seus perseguidores, Octavio e Lalín.

O Bm. Camariñas, cunha serie durísima de baixas, caía na casa a pesar de face un gran esforzo dos xogadores digno de eloxio, e do gran ambiente e animación na grada como sempre, especialmente os Boya Blues. O cadro conserveiro enlaza 3 xornadas sen gar e baixa ata as 12ª praza, nun nutrido grupo de 4 equipos con 16 puntos (Cañiza, Teucro e Luceros).

Os Boya Blues non fallan

1ª Estatal, xornada 21

Resultado: Chapela - Calvo Xiria (24-35)
Calvo Xiria: 35 (18+17). Antonio Mato, Carlos Vilanova (6), Gabriel Castiñeiras, Julián López (4), Brais Puñal, Fran Rey, Pablo Igrexas (5), Chimpo (7), Miguel Suárez- Pumariega (1), Juan Carlos Rodríguez (4), Manuel Méndez (1), Sergio Facal, Jorge Bouzas (6), Alex Calvete (1), Iago Gómez.

0-5 arrincaba o encontro demostando que saben o que se xogan a estas alturas da tempada. Dominaba en todas as facetas durante o primeiro tempo chegado 7 arriba ao descanso.

Tentaron a reacción os de Chapela e conseguiron achegarse no marcador ata os 4 goles de diferenza, grazas aos lanzamentos exteriores que facían dano á retagarda. Pero de novo o cambio defensivo do Calvo Xiria, aumentando de forma visible a profundidade, permitía roubos e contras para sentenzar.

1ª Estatal, xornada 21

Resultado: Bm. Camariñas - Bm. Lavadores (24-31)
Bm. Camariñas: Cristian (p), Félix (p), Alan (1), Cristian Canosa Figuegoa (8), Joaquín, Borja Tajes (5), Fabio (3), Cristian Canosa Pasantes (4), Fran Carril (1), Cristian Antelo (2)

Pronto se rompeu o partido en Camariñas, e aos 10 minutos os vigueses xa marcharan no marcador de ata 8 goles. Un cambio de sistema defensivo fixo reaccionar aos locais chegando ao descanso 15/19. Moitos goles encaixados para un equipo baseado na defensa como é do Moncho Canosa.

Saíu mellor o equipo na segunda parte conseguindo poñerse 1 arriba no min 45. Nese intre tivo o cadro conserveiro varias oportunidades para abrir fenda pero non foron capaces. A partir de entonces, e sen cambios, o equipo pagou o esforzo de todo o partido e o ritmo alto deste, aproveitándoo o rival para conseguir os 2 puntos.

2ª Autonómica, xornada 17

Resultado: Bm. Línea - Bm. Xallas (31-24)

O Bm Xallas viaxou a Mesoiro para caer derrotado ante Linea 21 por 31 a 24, nun partido caro para os de Santa Comba, pois as baixas de Raúl, Álex, Néstor e Rodrigo, sumábase á de Damián nos primeiros minutos do partido logo de caer mancado no xeonllo dereito. Con este panorama os de Barbeira non lograrían impoñer o habitual ritmo defensivo e ante os desaxustes os coruñeses foron controlando o encontro sen ver perigar os puntos. Toque de atención no cadro xalleiro que intentarán reencontrarse coas boas sensacións o proximo domingo en Vigo, ante un Lavadores necesitado de puntos para manterse na dura loita polo ascenso.