Bota andar, co prazo de inscrición aínda aberto, a pioneira Escola de Xadrez de Muxía
![](/asset/thumbnail,992,558,center,center/media/quepasanacosta/images/2018/03/19/David-Larino-mestre-da-Escola-de-Axdrez-de-Muxia.jpg)
![David Lariño, o mestre da Escola de Xadrez de Muxia](/media/quepasanacosta/images/2018/03/19/David-Larino-mestre-da-Escola-de-Axdrez-de-Muxia.jpg)
Xa son 25 os inscritos na fantástica Escola Municipal de Xadrez, pero esperan que sexan moitos máis porque non é doado contar en Galicia cun nivel tan alto en materia formativa. As clases comezan este martes 20 de marzo, se ben aínda está aberto o prazo de inscrición.
Este pasado venres tivo lugar a presentación oficial da Escola, cunha posta en marcha moi intensa na que o protagonista foi o mestre da escola, David Lariño, todo un campión de España, Maestro fide (MF) en 2004, Maestro internacional en 2006 e Gran maestro (GM) en 2013.
Os/as asistentes tiveron a oportunidade de xogar unhas partidas de xadrez simultáneas contra todo un campión como é David Lariño, e codearse por uns intres, contra un xogador de nivel internacional.
![Partidas simultaneas na Escola Municipal de Xadrez de Muxia](/media/quepasanacosta/images/2018/03/19/Partidas-simultaneas-na-Escola-Municipal-de-Xadrez-de-Muxia.jpg)
![Novos alumnos da Escola Municipal de Xadrez de Muxia](/media/quepasanacosta/images/2018/03/19/Novos-alumnos-da-Escola-Municipal-de-Xadrez-de-Muxia.jpg)
Inscrición
As clases estarán separadas por niveis, serán impartidas os martes, mércores e venres de 18:00 a 21:00 horas e desenvolveranse no edificio de servizos múltiples do Concello de Muxía.
O prazo de inscrición segue aberto, e para formalizar a mesma, ten que poñerse en contacto co Departamento de Deportes do Concello (de 8:30 a 13:00 h. de luns a venres) no tlf. 981 742 001 ou no enderezo eléctrónico [email protected].
![](WhatsApp-Image-2018-03-16-at-20.34.57-e1521458909100.jpeg)
![Lariño con Santi Pérez, o gran promotor da escola dende o Club Cabo Touriñán, durante a presentación](WhatsApp-Image-2018-03-17-at-11.30.54-e1521458943753.jpeg)
Novas relacionadas
- En marcha a pioneira Escola Municipal de Xadrez de Muxía.
- O Club Xadrez Touriñán supera o ecuador da Liga no liderato.
Fonte
- Redacción de QPC ([email protected]).