O GM esteirán David Lariño será o mestre da Escola Municipal de Xadrez de Muxía Fantástica a aposta muxiá polo xadrez. O traballo do Club Xadrez Cabo Touriñán está servindo para convertir a vila da Barca nun verdadeiro referente a nivel galego. De feito, seguro que xogadores de toda a provincia van querer achegarse ás clases da nova Escola Municipal de Xadrez de Muxía, que darán comezo no mes de marzo. I é que as sesións serán impartidas por todo un campión de España, Maestro fide (MF) en 2004, Maestro internacional en 2006 e Gran maestro (GM) en 2013, o esteirán David Lariño. As clases estarán separadas por niveis e desenvolveranse no edificio de usos múltiples do Concello de Muxía. Nelas poderá participar toda persoa interesada, desde os 5 anos en diante. Para a programación da escola ábrese o prazo de preinscrición e para formalizala, ten que poñerse en contacto co Departamento de Deportes do Concello (de 8:30 a 13:00 h. de luns a venres) antes do vindeiro venres, día 2 de marzo, no tlf. 981 742 001 ou no enderezo eléctrónico diego.castineira@muxia.es.

Novas relacionadas

• O Xadrez Cabo Touriñán, firme cara o ascenso.
• O Xadrez Cabo Touriñán comeza a tempada con fichaxes mirando o ascenso.
• Muxía puxo o broche final ao pioneiro II Circuíto Intercomarcal de Xadrez Rápido Deputación da Coruña.
• O Club Xadrez Cabo Touriñán pecha unha gran temporada de debut.
• A Federación de Anpas pecha a súa 1º liga de Xadrez.

Fonte

• Redacción de QPC (info@quepasanacosta.com).