Se vos falo de Juan Manuel Caamaño Fernández ó mellor non sabedes a quen me refiro. Se nomeo a Juan de Celia ben seguro que os afeccionados ó fútbol da costa teñen claro sobre quen imos a falar. Moitos sufrídelo como rival, aínda que a maioría disfrutamos vendo xogar a este rapaz de Louro, de talento natural, pelo de cores diversas según lle dea, pase sutil e conducción mortal. O domingo axusticiou ó Coristanco con dous tantos marca da casa, cando o partido estaba mais necesitado da súa aportación. Moitos ollos estarán pousados sobre el esta tempada, a que debe ser a da súa consagración, ben arroupadiño por Oscar Leis en Louro e con miras mais altas para un futuro. O seu fútbol debe voar libre e sen cortapisas, para que os que andamos polos campos gocemos con el. Esto nos contou Juan: Juan e Oscar Leis, a parella á que en Louro fían os obxectivos QPC - Dous golazos o domingo para empezar ben a liga na casa. Como foron os tantos?

O primeiro gol recibin o balón de espaldas á portería á altura do borde da area, xireime e pegueille coa sorte de que foi pola escadra, e o segundo peleei un balón ás espaladas dos centrais e metina por enriba do porteiro

QPC - Cal é o obxectivo do Montelouro este ano?

Salvarnos e facer unha boa tempada intentando xogar ben ao fútbol cun grupo unido

QPC - Un inicio de tempada con derrota en Camariñas e vitoria na casa contra o Coristanco, pódese catalogar de normal.

Si. En Camariñas non fixemos un bo partido nin a nivel colectivo nin individual pero peleamos ata o final. Co Coristanco o equipo fixo un partido serio sabendo ao que íamos dende o primeiro momento e aproveitando as ocasións que tivemos

QPC - E cal é a túa idea a nivel individual?

Facer unha boa tempada en Louro, salvarnos, marcar os máximos goles posibles para poder volver a ter algunha chamada dun equipo grande e demostrar o que valgo

Ese golpeo mortal de necesidade

QPC - A nova fornada de xogadores de Louro está a dar que falar. Con cales te levas mellor dentro do fútbol?

Dentro do equipo todos somos amigos pero o mais especial co que levo xogando dende neno e Adrián. Pablo Rama da miña etapa en Esteiro e por suposto Juan de Dora, que me criei con el e éunha gran persoa

QPC - Xa tiveches uns cuantos adestradores, cales foron os que che deixaron mais pegada?

Geno, o segundo adestrador do Sofán, que me marcou moito na etapa de futbol 7, despois Martin na Esteirana e agora o meu actual entrenador Oscar Leis, que se preocupa por cada xogador e sabe levar moi ben o vestiario

QPC - Cando ves fútbol, quen son as túas referencias ou modelos a imitar?

Se falamos de fútbol galego a Padín pola súa traxectoria, e despois Dybala é un xogador que me encanta

QPC - Vexo que te fixas en xogadores ós que te asemellas. A ver si Juan de Celia vai a ser o Dybala da costa. De cara a un futuro hacia onde che gustaría dirixir a túa carreira? cal é o teu límite?

Bueno, agora so teño en mente ao Montelouro pero gustaríame ter a oportunidade de volver a Sofán, onde estiven esta pretempada, porque é un lugar onde toda a xente che trata moi ben e son competitivos. Pero bueno ao final desta tempada espero ter algunha chamada e a ver que sucede.

Juan de Celia, de nome futbolístico homenaxeando a unha nai, parece a veces un paxariño de puntillas polo campo sorteando rivais, pero cando ve a portería cerca é un halcón con fame de gol. Claridade no campo e nas respostas ás preguntas, talento costeiro. Con Adrián, outra das xoves referencia do Montelouro