Venceu o Fisterra en Zas e converteuse no novo dominador da Liga da Costa, grazas tamén ao pinchazo do San Lorenzo en Coristanco; Adrián foi o comandante en xefe dun exército verde con fame de gloria Imaxe do Zas-Fisterra Bazarra, a estación de servizo máis eficiente, patrocina a Liga da Costa. Coñécenos en www.bazarra.com Sporting Zas 1-2 Fisterra

• Campo: San Andrés
• Sporting Zas: Bugy, Rubén Forján (Dieguiño m.41), Braulio, Josito (Cilindro m.84), Diego Fernández, Chapela (Sande m.59), Isma, Manu, Rubio, Dani Mato e David Blanco
• Fisterra: Norberto, Julito (Pablo Lestón m.58), Rubia, Rodri, Robertín, Cote, Roco, Piti, Jesús (Guardiola m.87), Mané (Bruno m.53) e Adrián (Adri m.90)
• Árbitro: Regos Martínez (A Coruña). Expulsou a Sande, do Sporting Zas (m.80). Amonestou a Isma, Cilindro, Rubio e Diego do Zas; Jesús, Rodri, Julito e Adrián do Fisterra
• Goles: 1-0 m.18 Chapela; 1-1 m.38 Adrián; 1-2 m.70 Adrián
• Lesión: Rubén Forján.

11 do Zas en San Andres-Foto-JP 11 do Fisterra en San Andres-Foto-JP O ambiente en San Andrés foi de grandes tardes, con viaxe masiva desde Fisterra Un orgasmo ata a fin do mundo, e todo culpa de Adrián Era o momento, o lugar e a última oportunidade de manter o barco a flote. E todo saíu a pedir de boca. O Fisterra aproveitou o guión soñado para vencer en Zas, levar o average particular e situarse líder tralo guiño do Coristanco ante o San Lorenzo. A fantasma do ano pasado paseouse por San Andrés, e mesmo pareceu terlle trasmitido o meigallo a un plantel case que diferente, pero ao que lle temblaron en exceso as pernas. Avisara Mané estrelando de saída un córner no pau, pero o Zas estaba a competir ben, con intensidade, ante un Fisterra intenso pero algo precipitado. E aparecera tamén o talento de Dani Mato, que executou unha máxica acción por banda para provocar unha situación de perigo no área e, tras varios rexeites e a pesares da vontade de Piti, Chapela abrira o marcador. E aí o dañado pareceu medrar, e o Zas especular cun trasfondo de temor ou desconfianza hacia a pegada visitantes. Mané tería outra máis nun man a man moi ben resolto por Bugy. Pero pouco despois o porteiro non pudo ser santo de novo ante o candidato a fisterrán do ano e vicepatrón do pobo, por detrás da Virxe do Carme. Adrián 'Makaay' definiou dentro do área cun bo disparo, evitou o mazazo psicolóxico de chegar en desvantaxe ao vestiario, e converteu a segunda metade nunha contrarreloxo do Fisterra rumbo á gloria. De novo o tanteo inicial foi o terreo onde mellor se moveu Dani Mato. O canteirán local a piques estivo de repetir a sorte do gol, pero esta vez a defensa fisterrán salvou baixo paus. Estaba a cociñar a receta da gloria o protagonista anterior. Adrián chocaría dúas veces contra Bugy, pero á terceira imaxinen esta montaxe: a famosa escena de Leonardo DiCaprio entrando na oficina no Lobo de Wall Street, e de música de fondo o 'Makaay te quiero' que tanto se ten escoitado en Riazor. Esa sería a definición da imaxe posterior ao segundo tanto, nun balón morto no área no que o punta lle pegou con todo para deixar ao Fisterra xusto nese momento líder. Embarrouse o choque a partires de aí. A horda de seguidores fisterráns, que se contaban por centos, atronaba desde o graderío, idolatrando ao heroe, novo pichichi da Liga da Costa (empatado con David Blanco). Co gol de Stamford Bridge Iniesta provocou todo un baby boom en Barcelona. Dentro de nove meses haberá que estudar cantos novos fisterráns hai, e cantos se chaman Adrián... [fbvideo link="https://www.facebook.com/alejandrobaio/videos/1328840973799935/" width="660" height="400" onlyvideo="1"]   [fbvideo link="https://www.facebook.com/FutboldaCosta/videos/945906715527986/" width="660" height="400" onlyvideo="1"]   Coristanco 5-4 San Lorenzo

• Campo: A Rocheira
• Coristanco: Nacho, Marcos (Añón m.68), Jorge, Lagoa, Álex Mato (Sergio m.42), Iván, Cristian (Alexis m.72), Pablo Díaz, Javi (Gustavo m.88), Iván Pena e Gonzalo
• San Lorenzo: Javi Souto, Isaac, Rubén Varela, Rudi, Juanjo (Dani Fuentefría m.46), Álex Taibo, Luis, Álex Figueiras; Juni, Mario e Kevin (Fraga m.55)
• Árbitro: Sánchez García (A Coruña). Amonestou a Eloy, Pablo Díaz, Iván Pena do Coristanco; Rubén e Mario do San Lorenzo
• Goles: 1-0 m.3 Iván; 2-0 m.28 Gonzalo; 3-0 m.44 Gonzalo; 3-1 m.53 Fuentefría, de penalti; 3-2 m.67 Álex Figueiras; 4-2 m.77 Gonzalo; 4-3 m.81 Juni; 4-4 m.92 Fuentefría; 5-4 m.94 Iván

O San Lorenzo é o único 'animal' que tropeza cinco veces na mesma Rocheira Cinco goles a balón parado ou consecuencia deste. Con ese pesadelo foise a cama Pedro Gómez, adestrador do San Lorenzo de Verdillo, que en Coristanco deixouse unha enorme opción de avanzar cara o título da Liga da Costa. Un partido de locura, cos locais xogándose a permanencia, coas dimensións da Rocheira como cómplices. E por que non dicilo, cos carballeses cun ollo posto en Zas. Foi un acto inicial de pesadelo para o San Lorenzo, co tempranero gol de Iván tras unha prolongación nun saque de banda como aviso inicial, e con dúas dianas máis de Gonzalo antes do intermedio como consecuencias de fútbol directo na estratexia. Non estaba a xogar mal o candidato ao título, pero si a defender horrible. Tiña tres cuartos de hora por diante para palialo, e rápido comezou a traballar. Un penalti convertido por Fuentefría, e un remate de Álex Figueiras nun córner deixaban aínda vinte minutos para a remontada. Pero nesto que Gonzalo compretou o seu hat trick e daba outro mazazo. Volcado, o San Lorenzo encerrou aos locais e Juni e Fuentefría, xa na prolongación, obraron a milagre. A medias. Unha falta lateral, segundos despois dun empate buscado con insistencia, atopou a indolencia de todos por cantos pasou o balón e o epílogo a un choque deses que se lembran durante anos.   Porteño 5-3 Ameixenda O Porteño deu paso de xigante na Grixa - Foto: CF Porteño A afección porteñista amosou a súa satisfacción - Foto: CF Porteño

• Campo: A Grixa
• Porteño: Martín, Adrián (Marcos m.80), Manuel, Pejo, Caamaño, Doyle (Cousillas m.46), Canosa (Jorge m.76), Quilmes, Abel (Wii m.50), Mario Toja e Cachi (Isma m.69)
• Ameixenda: Maikel, Jorge (Bruno m.46), Demetrio, Javichu, Bichiño, Álex, Jesús, Sergio, Brais (Trillo m.79), Borja e David (Grille m.58)
• Árbitro: Gómez Otero (A Coruña).
• Goles: 1-0 m.31 Abel; 2-0 m.40 Abel; 3-0 m.48 Abel; 3-1 m.60 Álex; 3-2 m.72 Jesús; 4-2 m.76 Wii; 5-2 m.86 Mario Toja; 5-3 m.88 Álex

Con uñas e dentes á permanencia Segue a pensar en Segunda un Porteño ao que as recentes incorporacións lle teñen mudado a faciana e o estado de ánimo. É o exemplo da última fichaxe, Abel, autor das tres primeiras dianas ante un Ameixenda que perde gas co paso dos días. No primeiro, Quilmes peinou un saque de banda e rematou a pracer. Pouco despois, un saque rápido de falta deixou a Canosa en situación de encarar e ceder para que Abel remachase. Xa no segundo acto, unha gran xogada individual, con gran disparo, puxo unha terra de por medio que parecía insalvable. Pero Álex e Jesús, nun rexeite e cun gran disparo, pareceron abrir de novo a cita. Wii e Mario Toja déronlle finalmente unha tranquilidade final e tres puntos chave a un Porteño inagotable.   Esteirana 0-3 Castriz

• Campo: José Luis Vara
• Esteirana: Roberto, Damián Suizo, Rafa, Martín, Álex (Simón m.76), Adrián, Brais (Manu m.56), Pablo Rama, Eloy (Iker m.65), Codesido e Jaime
• Castriz: David, Iván (Bolón m.55), Sergio, Alejandro, Diego Maneiro, Martín, Mata (Alberto m.46) (Jose m.83), Bruno, Fabián (Darío Capelo m.55), David Agra e Álex Flores
• Árbitro: Casanova Vázquez (A Coruña). Amonestou a Manu e Iker da Esteirana; Martín, Iván e Jose do Castriz
• Goles: 0-1 m.57 David Agra; 0-2 m.68 Álex Flores; 0-3 m.85 Darío Capelo

Só Álex Flores xogaba algo A loita polo máximo realizador da Liga da Costa era o único en xogo sobre o José Luis Vara, onde Esteirana e Castriz xogaron a reducida intensidade, nun partido iso si vistoso. Os xalleiros rotaron moitas posicións, e foi coa entrada de homes básicos coma Bolón ou Darío cando deu un paso ao fronte e decidiu nunha segunda metade onde se impuxeron as táboas.   Ponteceso 1-3 Baíñas

• Campo: O Pinguel
• Ponteceso: Brais, Diego Collazo (Laik m.70), Pablo (Ismail m.58), Nando, Alberto Recarey, Juanma, Dieguito (Martín Puente m.66), Iago, Youssef (Eloy m.48), Mendieta e Charly
• Baíñas: Sergio, Tantán, Matías, Mario, Jorge Calvete, Cristian (Jaime m.66), Tasky (Dani Casal m.46), Javi Suárez (Samuel m.89), Canay (Héctor m.81), Alemán e Esteban
• Árbitro: Méndez Castro (A Coruña). Amonestou a Tantán, do Baíñas
• Goles: 0-1 m.53 Canay; 1-1 m.70 Alberto Recarey; 1-2 m.85 Dani Casal; 1-3 m.88 Matías, de penalti

Un partidazo que se quedou en exhibición Dous dos equipos que ata hai pouco eran candidatos á Liga da Costa, Ponteceso e Baíñas, ofreceron un partido de nivel, pero sen máis ambición que o espectáculo. Despois dunha primeira metade con animosidade local e oficio visitante, Canay abriu o marcador na reanudación, cun bo disparo. Un libre directod de Alberto Recarey selou de novo as táboas dunha axustada cita. E xa contra o final a piques estivo Matías de reventar a rede na execución a gol dunha pena máxima.   Carnota 1-2 Cerqueda

• Campo: Lombáns
• Carnota: Andrés, Pumuky (Raúl m.46), Adrián, Samuel, Pedro de Pichín, Nakata, Manolo Chouza, Oli Bermejo (Cibrán m.65), Abelardo (Bernardo m.63), Miguel e Manuel Luis
• Cerqueda: Diego Dourado, Brais, Jon, Piñeiro, Dani, Fran, Luchi (Sergio m.64), Eloy (Juanjo m.75), Martín, Lorenzo e Fernandito
• Árbitro: González Rey (A Coruña). Amonestou a Miguel, Pumuky e Adrián do Carnota; Dani e Martín do Cerqueda
• Goles: 0-1 m.35 Martín; 0-2 m.73 Martín; 1-2 m.83 Nakata

Suma e sigue, nos dous sentidos Con fidelidade á súa dinámica das últimas semanas, un Carnota con poucos efectivos competiu e perdeu, mentres que un Cerqueda sen ambición clasificatoria pero con moita intensidade igualmente progresa na táboa a base de puntuar. Houbo máis orde nos visitantes, que con dúas accións de Martín levaron a cita.   Buño 4-2 Camariñas

• Campo: Xaviña
• Buño: Toni, David, Canedo, Eloy, Dimitri, Emilio, Jordan (Alexander m.66), Dani Calvete, Richard (Gurita m.66), Víctor (David Dourado m.88) e Miguel Dourado (Pedro m.81)
• Camariñas: Pablo, Rodri, Kevin, Paco, Moriño, Soule (Martín m.74), David (Cerbán m.85), Yuyo, Vicente, Nico e Vieites
• Árbitro: Maneiro Santos (A Coruña). Amonestou a Canedo, Miguel Dourado e Eloy do Buño; Vicente do Camariñas
• Goles: 0-1 m.4 Vieites; 1-1 m.5 Miguel Dourado; 2-1 m.19 Richard; 2-2 m.42 Yuyo; 3-2 m.68 Víctor; 4-2 m.80 Dani Calvete

Apareceu o mellor Buño A mellor versión que se lembra do Buño sacou adiante un partido chave para manter o lume da esperanza. Pudo ser un mazazo o madrugador gol de Vieites, nunha rápida acción azul. Pero a necesidade pudo máis, e Miguel Dourado e Richard rápidamente voltearon o marcador. Resultou un arma de dobre fío a falta de tensión visitantes, e permitiu as diabluras dun Yuyo que igualou antes do intermedio. Dominador no segundo acto, o cadro oleiro atopou o premio co acerto de Víctor e Dani Calvete.   Unión Club Cee 4-2 Cabana

• Campo: San Paio de Refoxos
• Cee: Paulo, Nico, Chiru, Jacobo, Boja, Aitor, Jorgito (Álex m.60), Josiño, Leo (Llanero m.55), Penedo (Isma Lamela m.43) e Dani Picallo (Xabi m.7)
• Cabana: Adrián, Grille, Jose, Isma, Raúl, Miki Pose, Diego Varela (Adrián m.34), Fernando, Alberto, David Varela (Reigía m.58) e Christian (Pablo m.51)
• Árbitro: De Vega Domínguez (A Coruña). Amonestou a Penedo, Llanero e Nico do Cee; Adrián e Alberto do Cabana
• Goles: 1-0 m.1 Leo, de penalti; 2-0 m.30 Josiño; 3-0 m.55 Jorgito; 3-1 m.74 Fernando; 4-1 m.74 Xabi; 4-2 m.87 Fernando

Un Cee que o pasa moi ben O Cee vive un momento dulce, como se pudo comprobar na Copa da Costa. O cadro de Cambeiro non tivo problemas ante un desahauciado Cabana, que xa recibiu un mazazo no primeiro minuto, co penalti cometido polo meta Adrián e convertido por un Leo que selou o seu quinto tanto nuns días. Jorgito, máis adiantado que de costume, atopou o camiño do gol. A mellor nova para o Cabana foi o acerto de Fernando.  

Novas relacionadas

• 3ª Autonómica: O Laxe é novo equipo da 2ª Autonómica! E o Montelouro… case.
• Á Costa fáltalle un xeonllo.
• 6 equipos costeiros poderían perder a categoría polos arrastres.

Máis información

• Os cadros da Copa da Costa 2016 en www.copadacosta.com.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.

Fonte

• Guillermo Parga ([email protected]).