Muros, Lira e Corme viviron emotivos memoriais

Deportes Carnota Muros Ponteceso Fútbol da Costa 1ª Galicia

Muros, Lira e Corme viviron emotivos memoriais

12:43 27/08/18

Bo ambiente no Eleuterio Balayo para o Memorial Jano e Naso-Foto-Jose Sendon Fin de semana de memorias futbolísticos na Costa da Morte. O Eleuterio Balayo, o campo de Lombáns e o Cairo acolleron citas moi emotivas que serviron ademais para a posta a punto de importantese equipos da Liga da Costa de cara ao comezo da Liga.

Memorial Jano e Naso

Capis de Esteirana e Muros entregando unha ofrenda as familias de Jano e Naso-Foto-Xose Sendon Emotiva cita a que se viviu no Eleuterio Balayo esta fin de semana co Memorial Jano e Naso. Os CD Muros e SCRD Esteirana celebraron esta fermosa homenaxe a aqueles dous mozos que perdían a vida nun accidente de 2008. O partido, que xa serviu o ano pasado para a presentación oficial do CD Muros, volvía acoller un fermoso derbi cun gran ambiente nas bancadas do campo muradán. O Esteiro demostrou que este ano estará na 1ª, e venceu por 1-2 ante un gran Muros recén ascendido a 2ª, e que prantou cara en todo momento, e só caeu nos últimos minutos. Un choque que ademais foi solidario e serviu para recadar un montón de comida para Cáritas. A importancia destas citas veuse tamén ao final, cos xogadores dos dous equipos confraternizando na cantina.

11 do Muros no Memorial Jano e Naso-Foto-Xose Sendon

11 da Esteirana no Memorial Jano e Naso-Foto-Xose Sendon

2° Memorial Joaquín Formoso

O campo de Lombáns acollía o 2º Memoria que recordaba ao presidente Joaquín Formoso, 'Xaquín da portujesa'. O anfitrión, o novo Lira de Diego Lobelos, estreábase na casa, e vencía por 1-0 ao Monte Louro nun horario inédito, xa que comezaba case que á noitiña.

Memorial en Lombans entre Lira e Montelouro

Memorial en Lombáns entre Lira e Montelouro

Homenaxe a Paco da Ruca

Homenaxe a Paco da Ruca en Corme-Foto-Fin Lema O XVI Trofeo José Pailos “Tecelán” serviu para homenaxear a Paco da Ruca, un dos homes máis simbólicos do fútbol cormelán. A cantina do Cairo xa leva o seu nome. O Soneira visitaba ao Corme na súa presentación oficial, e ambos conxuntos depararon un partido fermosísimo e cheo de goles. 3-4 venceron os soneiráns cun gol de Pichi no min.85 para romper a igualada.