O KickBoxing-Dumbría terá catro representantes no Campionato Nacional
As campionas galegas do Kick Boxing Dumbría con Dani Lema
Volvían do Campionato Galego de Noia con 4 medallas. E esta pasada fin de semana tampouco volveron de balde os membros do Club Deportivo Dafit (Kick Boxing-Dumbría) de Moraña, onde se celebraba o Campionato de Kick Boxing, na modalidade de Kick Light.
O club costeiro colleitaba dúas medallas de ouro, no seu respectivo peso Patricia Túñez Lema e Judith Senlle Pampín. Ademais, Patricia Domínguez Marino sumaba unha medalla de prata.
O seu adestrador Dani Lema, comenta: “Estamos moi contentos dos resultados obtidos, presentarse a dúas competicións autonómicas no que vai de ano e conseguir clasificacións en ambas para o Campionato de España, para nos como Club é un gran logro, enfrontándonos a clubs con experiencia e de renome.
4 representantes ao Nacional
Así KickBoxing- Dumbría terá catro representantes no Campionato Nacional (Tatami Sport).
Por un lado en categoría infantil,Samuel Sambad Lema (Modalidade de Light Contact) participará no Nacional que se celebrará os días 11,12 e 13 de maio en Marín.
E en Sénior, Laura Montero Romero (Modalidade de Light Contact) e Patricia Túñez Lema e Judith Senlle Pampín (Modalidade de Kick Light) acodirán a Guadalajara os días 20, 21 e 22 de xullo, para participar entre 1000 deportistas, no Campionato realizadoa través da FEKM (Federación Española de Kick Boxing), Muaythai y deportes asociados), na colaboración co Consejo Superior de Deportes.
Novas relacionadas
- Marzo 18: O Club Deportivo Dafit – Kick Boxing – Dumbría volve do Campionato Galego con 4 medallas.
- Novembro 17: “Estanse forxando cimentos para que o Kickboxing na zona de Bergantiños teña denominación propia”.
- Novembro 17: Ponteceso brilla con 3 medallas nos Campionato de España de Kickboxing.
- Outubro 17: Ponteceso únese á moda do Kickboxing.
- Outubro 17: Dous deportistas do Club Cee Deportes de Contacto conseguen a clasificación para os Campionatos de Europa.
- Outubro 17: Dumbría acollerá o primeiro Campionato de Kick Boxing da bisbarra:
- Abril 2017: O Judo Bergantiños e o DáFit/Dumbría triunfan nos Campionatos Galegos.
Fonte
- Redacción de QPC (info@quepasanacosta.com).
