O Obradoiro espalla o seu baloncesto por Baio

08:36 15/02/13

Fermosa a visita que van recibir os membros do Club Baloncesto Baio o próximo luns, 18 de febreiro a partires das 19h. no auditorio municipal de Baio. Dous xogadores do Obradoiro Blusens Monbús de Santiago, da liga ACB, estarán na vila baiesa para compartir experiencias e espallar a súa afección por Baio.

Moi boas as propostas dende Baio co deporte galego, e unha vez que os futboleiros xa recibiron a visita de Alex Bergantiños, agora lle toca aos da canasta.

Os xogadores que participarán seran William Terrel Buford, de Ohio e Miguel Ángel García Stobart, de Palma de Mallorca. Tamén contaremos con José Ángel Rivera Mozán, o responsable da canteira do equipo.

Poderedes acudir aquelas persoas interesadas, xunto cos xogadores Carballo Basket Xiria, os do Artai e aqueles outros clubs que queirades achegarvos, para preguntar todas aquelas inquedanzas que se vos ocorran.