Venres. 29.03.2024
El tiempo

Alex Bergantiños vestiuse de branquiazul... en Baio

Alex Bergantiños vestiuse de branquiazul... en Baio
Foto da familia do CD Baio con Alex Bergantinos-Foto- Santi Diaz

Fantástica a iniciativa da directiva do C.D. Baio. I é que invitar a un xogador deportivista, e da casa, supón toda unha experiencia para os pequenos xogadores baieses e serve ademais para espallar as cores branquiazuis por unha bisbarra onde o branco ou o blaugrana son, en moitos casos, os preferidos.

O medio centro do Deportivo, nado no barrio da Sagrada Familia da Coruña, falou cos rapaces das categorías inferiores de como foi ata agora a súa carreira no mundo profesional. Explicou que o traballo e a dedicación son fundamentais para chegar ao máis alto, algo que os cativos poden chegar a ver como un espello onde fixarse.

A anécdota da charla chegou cando o coruñés lembrou que nunha visita ao Platas Reinoso co Imperátor, en época xuvenil, sufrira unha rotura de tibia, polo que recorda moi ben a dureza do fútbol da Costa.
Ademais, Alex reencontrouse cun baiés co que compartiu vestiario no clube vermello, Pablo Domínguez García.

Trala pequena charla, Alex púxose á disposición dos asistentes, tanto para respostar as súas preguntas como para sacarse todas estas fotos de familia que nos trae Santi Díaz, o punta xuvenil baiés, que fixo ademais de cámara, sendo un crack tanto nas áreas rivais como detrás do obxectivo.

Alex Bergantiños coa camisola branquiazul... do Baio-Foto- Alex Bergantinos Foto completa da familia baiesa con Alex Bergantiños-Foto- Santi Díaz O coruñés e deportivista Alex Bergantiños cos rapaces do CD Baio-Foto- Santi Diaz

Máis información

Novas relacionadas

Artigos relacionados

Fonte

Comentarios