O Xuventude de Bergantiños lidera a Liga de Veteranos

21:51 09/11/10

Continúan en marcha as Ligas de Veteranos. 8 xornadas xa de Liga e continúan abertas as hostilidades. Aconsellamos pasen a botar un ollo polos numerosos blogs dos veteranos, que continúan máis activos que nunca facendo que ferva a rede. Na 1ª División é o Xuventude de Bergantiños (na foto) o líder cun comezo de campaña tremendo. A 2 puntos sitúase o San Román, sempre nos postos de arriba, e que vén de gañar ao Corcubión de Vet. no Cubaleiro. Ollo co actual campión, o Bergantiños, que está a tan só 6 puntos do Xuv. e esta fin de semana enfrontarase nun derbi carballés de infarto. Por abaixo hai dous equipos en problemas. Pechacancelas é o At. Milagrosa, con 4 puntos. O Vimianzo está penúltimo, que conseguía un empate ante o Bértoa, antepenúltimo con 1 punto máis que os vimianceses e empatado co Castriz e Camariñas, que tampouco se poden despistar. Pola súa parte, na 2ª División as cousas tamén andan apretadas. Escapa lixeiramente o San Lorenzo, con 21 puntos, con 2 de vantaxe ao Buño. Sofán e Cerqueda quedan con 15 puntos. O Coristanco, que vemos aquí embaixo, está 5º con 14 puntos.