Resultados e análise da xornada futboleira nas Letras Galegas

Deindo

17 de maio de 2015 (23:09 h.)

Fermosa foi a fin de semana das #LetrasGalegas, con fútbol por todos os costados. #CopadaCosta, fases de ascenso ligas de Pref. e 3ª… Moita emoción.

Retomamos a Copa

Completa xornada copeira desta fin de semana. Arrincaba co empate entre Baio e XSC nunha das eliminatorias estrella, que queda pendente da volta. E da xornada dominical, 3 equipos meteron un pé nos Cuartos e os outros 4 enfrontamento foron moi parellas. Sofán, que vai con todo pola Copa; o Zas, pendente de comezar a vindeira semana a Fase de Ascenso pero tamén con moita ilusión copeira; e Castriz, con gañas de salvar unha temporada irregular, fixeron bo o sei papel de favoritos ante Buño, Castrelo e Cee, respectivamente, se ben co Cee, rei de Copas, non se pode falar de favoritismo e o 4-1 non ten por que ser definitivo.

Polo demais, o Fisterra sacou un bo 2-3 da visita ao Ameixenda, canso do clave partido do sábado. Outro dos partidos máis espetaculares é o San Lorenzo-Corme, que se decidirá no Cairo tralo empate a 1 en Verdillo. O Ponteceso venceu pero cun apurado 3-2 a un Seaia que quere darlle unha alegría á súa afección tralo descenso. E finalmente, Carnota e Camariñas empataron nun fermoso 3-3 en Lombáns.

Doro estréase en Liga con vitoria

Primeiro partido de Doro no banco nesta uxente penúltima xornada na Preferente - Senra Sport. E non fallaron os seus compañeiros e lle brindaron cunha vitoria ante o pechacancelas, o descendido Dorneda. Unha vitoia que lle permitirá ao cadro bicolor ir a Riveira dependendo de si mesmo.

Mentres, o Dumbría xa pensando nas vacacións, caeu no Castro.

O Ameixenda, máis preto do ascenso

Tremendo o choque das Rocheiras. Era unha finalísima polo ascenso directo entre Coristanco e Ameixenda, e as afeccións responderon con máis de 400 persoas no campo. Foi un partido de gran tensión, cun empate final que deixa ao Ameixenda dependendo de si mesmo. Se vence na última xornada ao Lira será equipo da Liga da Costa, pero se non o fai e vence o Coristanco ao Castrelo, será o cadro verde o que ascenda de xeito directo.
O que non o faga de xeito directo pasaría a xogar a Promoción, onde tamén hai unha fermosa loita. Descansaba o Nanón e non fallaron nin Corcubión, nin Muxía nin Lira. Deste xeito, Corcubión e Muxía aseguran a súa praza na Fase de ascenso, e o Lira supera ao cadro cabanés, quedando con 2 puntos de vantaxe para a última xornada. En todo caso, na última xornada o Lira ten choque ante un Ameixenda necesitado de gañar, mentres o Nantón se enfronta a un campión e xa relaxado Cerqueda, polo que todo pode pasar.

Fases de Ascenso ás Ligas Galegas

Arrincaban os tres campións das ligas comarcais a fase das Fases de Ascenso ás Ligas Galegas. E coa mesma mala sorte. No doble enfrontamento de venres e domingo, Dumbría xuvenil, Corme xadete e XSC nfantil caeron na primeira rolda ante Cerceda, Rayo Sadense e Montañeros. Se ben Corme e XSC caern con rotundidade, máis dura foi a caída do Dumbría, que non pasaba do empate a 2 tralo 2-1 da ida en Cerceda. Foi un choque ademais marcado polo retraso provocado pola falta do colexiado, e os centos de afeccionados tiveron que esperar máis dunha hora á chegada dun colexiado a case 30º. Agora caen na repesca cos segundos clasificados, Os Miudos en xuvenís e Cabana en cadetes.

Continúan no Norte co F8

Deu o Cabana un paso importante para levar a F8 Alevín Costa Norte. Os cabaneses vencían en Corme e sacan agora 5 puntos ao cadro cormelán, 2º.
Mentres, en F8 Benxamín Costa Norte, Muxía e Cabana descartan ao Corme como rival, e se xogarán o título nas 3 ´últimas xornadas co Muxía con 3 puntos dde vantaxe.

Os do Sur esperan a Fase Comarcal da semana que vén.

Copa da Costa de Veteranos

Un paso máis deu a Copa dos Veteranos, e só o Zas parece que deu un paso definitivo cara os Cuartos. O foco estará na gran eliminatoria, un Soneira-San Román que rematou cun empate sen goles deixando todo para a volta.

Copa da Costa, ida dos Oitavos

Preferente - Senra Sport, xornada 37

Castro	4-0	Dumbría
Xallas StComba	2-1	Dorneda

3ª Autonómica - Clínica Xunqueira, xornada 35

Coristanco	1-1	Ameixenda
Muxía	4-2	Castrelo
Corcubión	6-2	Laxe
Lira	5-4	Cerqueda

Descansa Nantón.

Fases de Ascensos ás Ligas Galegas

Liga Galega Infantil - Aluminios Dumbría, Segunda Fase, Descenso Grupo Impar, xornada 12

Dumbría

1-3

Bergantiños

F8 Alevín Costa Norte, xornada 11

Corme	3-6	Cabana
Baio	1-6	Zas
Coristanco	5-2	Muxía

Descansa Vimianzo.

F8 Benxamín Costa Norte, xornada 11

Corme	2-6	Cabana
Baio	3-1	Zas
Coristanco	0-10	Muxía