Fútbol da Costa en estado puro. Os teléfonos botaron fume nos campos da Costa nesta fin de semana onde o noso carrusel tecnolóxico a través da APP e de www.futboldacosta.com botou fume. Con moitas cousas en xogo, que imos repasando, a atención estaba na última xornada da Liga da Costa, con tres 3 equipos pelexando polo título e pola praza de promoción de ascenso.

E a xornada non defraudou. Goles dende o primeiro minuto, alternancias no marcador e na clasificación, para rematar co Outes como novo campión de Liga e novo equipo da 1ª Autonómica. O cadro de Manu Roque completa así unha magnífica temporada, tan boa como a do Zas de Iván Cancela e o San Lorenzo de Pedro Gómez. Pero se o Zas, tras non poder pasar do empate en Mazaricos, se mete na Promoción e aínda ten opcións de ascenso (o Montelouro o agradecería ca permanencia), o San Lorenzo, que tampouco pasaba do empate en Ara Solis, queda sen premio e só ca Copa como aliciente.
Cómpre destacar as actuacións de Mazaricos, Porteño e Fisterra, que demostraron que o Fútbol da Costa está moi san, pelexando como se fose o descenso nos seus partidos.

Mala xornada en Santa Comba

Foi mala a xornada en Santa Comba. O cadro xalleiro volvía de Sarria cun empate que deixa as cousas aínda moi complicadas, cunha situación semellante á do Deportivo. A Sarriana, rival directo na pelexa polo ascenso, queda agora cun punto de vantaxe, empatado cun Residencia que si perdía. Polo que o cadro xalleiro terá que superar nas dúas xornadas que quedan a un dos dous equipos e evitar que O Val, un punto por debaixo, o supere. Está moi cara a salvación na Preferente pois serán dous os arrastres que veñen da 3ª.

En Liga Galega Cadete - Aluminios Dumbría, o equipo de Corredoira non podía vencer ao Calasanz na última xornada e sofre o doble arrastre para caer de novo á liga comarcal. O Vilalbés foi o equipo que salvou a categoría no último suspiro.

Os equipos de 1ª, pensando na Copa

Rematou tamén a 1ª Autonómica - Clínica Vértebra, e os nosos, xa con todo o peixe vendido, parece que tomaron a xornada de vacacións. Malpica e Soneira empataban no derbi sabatino, quedando nun grupo de 7 equipos en 2 puntos, o que fai que o Malpica sexa finalmente 7º, empatado co Corme, e o Soneira 13º con só 2 puntos menos. O Baio empataba na despedida na casa e quedou finalmente nunha espectacular 4ª praza, mentres o Sofánnon podía cun Lesende necesitado e remata esta Liga na que tantas xornadas estivo de líder na 5ª praza.

A 3ª, tremenda

Está a 3ª Autonómica - Clínica Xunqueira ben fermosa. Quedan 2 xornadas para o remate e arriba Ameixenda e Coristanco seguen o seu man a man pola segunda praza de ascenso directo. Por detrás, o Nantón vencía ao Lira e intercambian as súas prazas, deixando ao cadro liracho hoxe fóra da Promoción. O Corcubión vencía ao Castrelo e dá un paso adiante, mentres o Muxía caía pero se mantén aí. Os 4 equipos pelexan por 3 prazas e están en apenas 3 puntos, co Corcubión e Nantón cun partido máis.

O Dumbría, doblete en Xuvenís e a polo ascenso

Sufríu o Dumbría ante unha grandísima Esteirana na finalísima da Copa da Costa Xuvenil. O renovado campo de Agra da Filgueira acollía a gran final ante unha gran espectación. E o choque non defraudou. O Dumbría, gran favorito, tomou a iniciativa pero a Esteirana non se amilanou e conseguía levar o partido á prorroga cun fermoso e intenso 3-3. Pero o cadro dumbriés aguantou mellor os minutos e solventou na prórroga marcando ata 4 goles e levando xa o doblete (ou triplete) tras levar xa o campionato da liga regular e o da liguilla Previa á Fase de Ascenso á Liga Galega.
E precisamente ese é o obxectivo dende comezo de temporada dos de Leis e Lobelos, polo que aínda queda moito traballo para rematar esta, ata agora, impecable temporada.

Cee e XSC, campións das Copas da Costa Cadete e Infantil

Fantástica mañá de Fútbol base costeiro en Zas. O campo de San Andrés acollía unha doble final da Copa. Arrincaban os Infantís, e o XSC vencía con contundencia ao Outes sumando así o segundo título da temporada despois de facerse co título de Liga. Toca agora vengar o descenso dos seus cadetes.

De contado arrincaron os Cadetes, unha final igualadísima entre Corme, campión de Liga, e Cee, que tras varias alternancias no marcador, rematou cun 2-3 a favor do cadro ceense, que levantou o título copeiro.

De F8

Remataron as Ligas Sur de F8 tras unha xornada na que xa estaban os títulos decididos, pero agora xa sabemos os 4 que participarán na fase final da Copa da Costa de F8 no Conchido.
Polo Norte quedan 4 xornadas, Cabana e Corme seguen na loita en Alevíns mentres Muxía, Cabana e o Corme fan o propio en Benxamíns.

Os Veteranos, a Oitavos da Copa

E xa temos Oitavos da Copa da Costa de Veteranos. Quedaron atrás algúns equipos fortes, como o Dumbría, que non puido remontar ao Coristanco.

Preferente - Senra Sport, xornada 36

1ª Autonómica - Clínica Vértebra, xornada 34

2ª Autonómica - ES Bazarra, xornada 34

3ª Autonómica - Clínica Xunqueira, xornada 34

• Descansa Laxe.

Copa da Costa Xuvenil, Final

• Esteirana - Dumbría (3-7)*
  * Na prórroga.

Copa da Costa Cadete, Final

• Corme - Cee (2-3).

Copa da Costa Infantil, Final

• XSC - Outes (6-1)

División de Honra Cadete - Aluminios Dumbría, xornada 34

• O Dumbría mantén a categoría autonómica.

Liga Galega Cadete - Aluminios Dumbría, xornada 34

• O cadro xalleiro perde a categoría autonómica.

Liga Galega Infantil - Aluminios Dumbría, xornada 11

• O Dumbría xa está descendido pero quedan 3 xornadas para o final.

F8 Alevín Costa Norte, xornada 10

• Descansa Corme.

F8 Alevín Costa Sur, xornada 26

F8 Benxamín Costa Norte, xornada 10

• Descansa Corme.

F8 Benxamín Costa Sur, xornada 26

• Descansa XSC B.

Copa da Costa de Veteranos, volta da Previa

Crónicas da semana

• Xa temos finalísimas das Copas de Xuvenís, Cadetes e Infantís.
• Ligas Galegas: O XSC necesita a vitoria na última xornada para salvarse.
• 3ª Autonómica: O Coristanco alcanza ao Ameixenda prevendo unha fermosa loita polo ascendo directo.
• 1ª Autonómica: Con pouco en xogo.
• Preferente: O XSC métese en líos.
• Copa da Costa: Os equipos da Preferente non teñen a Copa gañada.
• Resultados e análise dunha xornada de títulos, descensos e moita emoción no Fútbol da Costa.

Primeiros títulos colleitados

• O Dumbría sofre pero supera á Esteirana e tamén gaña a Copa da Costa Xuvenil.
• Un título de Prebenxamíns con dous gañadores.
• Veteranos: O San Román róuballe o título ao Coristanco no último suspiro.
• Os Benxamíns agrandan o mito da eterna canteira fisterrá.
• O XSC celebrou o título Infantil e buscará o ascenso á Liga Galega.
• O Corme festexa o título Cadete e o Cabana a Fase de Ascenso.

Novas relacionadas

• Alberto Pose: O premio á eterna humildade.
• O libro dos 50 anos do Fútbol da Costa ten novas citas nas comarcas de Bergantiños e Fisterra.
• Unha viaxe polos 50 anos do Fútbol da Costa.
• Está enfermo o Fútbol da Costa?.
• O Conchido acollerá unha nova edición da Copa da Costa Alevín, Benxamín e Prebenxamín.
• César do Cabo e Doro, dous perfectos espellos para as promesas do Dumbría.
• Chema Rei e Xosé María Lema presentan o libro “50 anos da historia do fútbol da Costa”.
• Míchel e Manu Dosil, hai vida no deporde despois do Fútbol da Costa.
• A Cantina, campión da Liga de FS de Cee.
• O Fútbol da Costa rende homenaxe a Álex Pombo.
• O álbum de cromos do Sofán: “Raúl, fírmasme un autógrafo?”.
• A vida de Donato nun libro con acento costeiro.
• Novo repaso aos Pichichis do Fútbol da Costa.

Máis información

• www.copadacosta.com.
• Descargar a APP do Fútbol da Costa.
• Facebook do Fútbol da Costa.
• www.futboldacosta.com.

Fonte

• Redacción de QPC ([email protected]).