Un pontecesán e un dumbriés participaron no Campionato de España de Kick Boxing
12:54 15/05/18
Martin Garcia do KickBoxing Ponteceso
Celebrábase en Marín esta pasada fin de semana o Campionato de España de Kick Boxing. E alí, vestindo o pantalón da Selección Galega, tiñamos representantes tanto da escola de Ponteceso como do dumbriés Club Deportivo Dafit. E grandes novas as que nos deixaron os nosos representantes, deixando patente a gran progresión deste deporte nos últimos anos.
Viñendo de norte a sur, o pontecesán Martín García acadou o 3º posto na categoría de lightcontact, participando coa Seleccion Galega. Clasificouse na primeira xornada para as finais e xa o domingo acadou un máis que merecido podio. Todo un éxito para a Escola de Kickboxing Ponteceso.
O seu adestrador, Gonzalo Suárez, comentou: "Eu vira os combates e estivo aí aí a cousa, non puido ser polos pelos, pero estou moi contento. Díxenlle que quedaría entre os tres primeiros e conseguiuno".
Por Dumbría, para Samuel Sambad Lema (Club Deportivo Dafit), xa era todo un éxito estar aquí, pois coincídelle o cambio de categoría e aos seus recén cumplidos 10 anos está competindo con rapaces de ata 12 con máis de 47kg. O cambio foi significativo pero acabou caendo co que ao finalfoi o campión de España. “Defendeu o seu papel dun xeito moi valiente, e volve para casa sen medalla pero cunha gran aprendizaxe e experiencia”, recoñece un orgulloso e satisfeito Dani Lema, o seu adestrador e padriño.
[fbvideo link="https://www.facebook.com/danilemac/videos/1573389082760353/?t=2" width="700" height="400" onlyvideo="1"]
Lema non descansa, pois agora toca preparar as sénior Laura Montero Romero e Patricia Túñez Lema e Judith Senlle Pampín para o Campionato de Guadalajara.
Novas relacionadas
- Abril 18: O KickBoxing-Dumbría terá catro representantes no Campionato Nacional.
- Marzo 18: O Club Deportivo Dafit – Kick Boxing – Dumbría volve do Campionato Galego con 4 medallas.
- Novembro 17: “Estanse forxando cimentos para que o Kickboxing na zona de Bergantiños teña denominación propia”.
- Novembro 17: Ponteceso brilla con 3 medallas nos Campionato de España de Kickboxing.
- Outubro 17: Ponteceso únese á moda do Kickboxing.
- Outubro 17: Dous deportistas do Club Cee Deportes de Contacto conseguen a clasificación para os Campionatos de Europa.
- Outubro 17: Dumbría acollerá o primeiro Campionato de Kick Boxing da bisbarra:
- Abril 2017: O Judo Bergantiños e o DáFit/Dumbría triunfan nos Campionatos Galegos.
Fonte
- Redacción de QPC ([email protected]).