Martes. 10.12.2019
El tiempo

Veteranos: O Soneira, campión de inverno

Veteranos: O Soneira, campión de inverno
Miguel Filgueira no choque entre Soneira e Dumbria-Foto-Veteranos Dumbria Miguel Filgueira no choque entre Soneira e Dumbria-Foto-Veteranos Dumbria

Finalizada a primeira volta de esta Liga de Veteranos da Costa da Morte, e á falta da última xornada do ano a disputar este domingo, as competicións están máis que vibrantes.

División de Honra

Juan Cabrejo persegue un xogador do Dumbria-Foto-Veteranos Dumbria O soneirán Juan Cabrejo persegue un xogador do Dumbria-Foto-Veteranos Dumbria

Na máxima categoría cómpre felicitar ao Soneira como campión de inverno. Os de Miguel Filgueira, Jemisa, Fran Toba, Cabrejo, Piti e compañía superaban este domingo á Piña por 3-2, nun partido no que volveu destacar o capitán soneirán Miguel, que no m.57 facía o 2-1, e despois de empatar a Piña volvía facer o definitivo 3-2 para darlle a vitoria, e o liderato ao cadro vimiancés. Ten agora 33 puntos o líder, con 2 empates e 11 vitorias, e 37 goles a favor e 24 en contra.

O San Lorenzo marcha 2º na táboa con 31 puntos. Os de Verdillo desfixéronse do pechacancelas Nantón por 4-0, con dous goles en cada tempo a pesar de ter a baixa do seu goleador Edgar, que leva uns partidos mancado, pero aínda mantén o posto d máximo goleador na DH con 14 tantos, os mesmos que Martín (Porteño).

O Sporting Zas, 3º clasificado, impúxose por 1-0 a un curto Corcoesto, gracias a un tanto marcado por Jose aos 10 minutos de comezar. O Corcoesto, con 11 homes xustos, aguantou todo o partido sin recibir máis goles ante un Zas que na bancada contaba con 8 xogadores para cambios.

Máis abaixo atopamos ao San Román como 4º clasificado. Os de Laracha tampouco fallaban e vencían ao Cabana por 4-1. Un San Román que empezou a Liga perdendo o seu primeiro partido no Pinguel ante o Ponteceso, pero vai de menos a máis e seguro que contará ata o final como candidato a ganar este liga de DH, e iso que esta tempada conta coa baixa do seu goleador Martin Pombo.

O vixente campión de Copa, o Porteño, gañou ao Castriz no seu campo por 0-2. O primeiro gol foi obra do seu dianteiro Martin no.76, que con este gol empata con Edgar nos máximos artilleros de esta liga, e cando faltaba poucos minutos para finalizar, Toja facía o 0-2. O Castriz, coa perda de estes tres puntos, métese en postos de descenso, o mesmo que Cabana e Nantón.

Na Rocheira enfrontábanse esta fin de semana Coristanco e Ponteceso, deparando unha vitoria local que deixa aos verdes a aó 2 puntos do Dumbría, que marca a 6ª praza, a que dá acceso a xogar o playoff o Campeonato Galego.

De feito, o Dumbría non fallaba ante o Bértoa, vencendo por 3-0 cos tantos de Jose e os dous goleadores de seempre, Miguel e Isidro, un dos xogadores dos que parece que os anos non pasan por el, e que segue marcando como aquel Home-Gol dos 90, un goleador con moita experiencia polos goles que leva marcando en toda a sua carreira de futbolista e que agora en Veteranos o segue facendo. Foi o do Conco un partido duro onde o árbitro amosou 4 amarelas e 1 vermella o Bértoa, que tivo que xogar con 10 media hora.

Nesta primeira volta queda o Soneira como campión e de segundo o San Lorenzo quedando en postos do playoff Zas, San Román, Porteño e Dumbría. Baixarían a 1ª División a día de hoxe Nantón, Cabana e Castriz.

1ª División

Encabezan a táboa de clasificación o recén chegado Mazaricos e o Razo, con 26 puntos cada un, seguido do Corme con 25, Dep. Carballo e Malpica 20. Con 19 puntos atopamos a Sofán, Leiloio e Xornes, e un punto menos ten o San Ramon. Deste xeito, se finalizase agora a tempada, subirían a DH Mazaricos e Razo, mentres que Corme, Dep. Carballo, Malpica e Sofán xogarían entre eles un playoff para unha plaza a DH.

O Mazaricos, como novo equipo nesta competición, comeza forte a súa experiencia en Veteranos se encontra como líder ao ganar en esta ultima xornada nun campo difícil de puntuar como é o da Feira Nova de Leiloio. O resultado de 2-3 para o cadro amarelo, e o gol da vitoria chegou no desconto.

No campo dos Castillos se xogou o San Ramón- Razo (1-7). O Razo, con esta vitoria, aséntase como 2º, sendo este o partido que máis goles se marcaron de todos os disputados en esta xornada.

Por abaixo atopamos ao Río Grande e mais o Soandres, que contan tan só con 1 punto cada un.

Só queda desexarlle a todos os participantes desta Liga da Costa de Veteranos unhas boas festas de Nadal e un próspero ano novo, como a todos os seguidores deste gran portal Quepasanacosta!.

  • Modesto Parga, a voz do Fútbol Veterano da Costa da Morte.
 

Máis crónicas dos Veteranos

https://quepasanacosta.gal/veteranos-modesto-parga-analiza-o-comezo-de-temporada/  

Todas as táboas en www.futboldacosta.com

 

Comentarios