O Concello de Dumbría está inmersa nun programa moi especial, para celebrar o centenario da primeira viaxe realizada por Ruth Matilda Anderson, etnógrafa e fotógrafa na Hispanic Society of America, a España e á Costa da Morte. Esta viaxe tamén a levou a coñecer e fotografar xentes, lugares e oficios do noso concello, conformando así unha importante memoria que chega ata os nosos días.

A xornada baixo o título "Memoria, mulleres e dignidade", quere tamén homenaxear ás mulleres do concello. Para iso, este sábado, o concello armou unha xuntanza das mulleres do Ézaro para recrear unha das máis icónicas imaxes da fotógrafa americana no areal do lugar, tirando polos cabos da arte.

Máis programa

A xornada, que se desenvolverá o sábado 23 de novembro a partir das 10:30h no edificio Bitácora do Ézaro, consistirá en tres ponencias: 

• «O país das mulleres de Ruth Matilda Anderson. Unha ollada en clave de xénero cara a Galicia do 1o terzo do século XX» por Ana Cabana (Profesora titular do Departamento de Historia da USC. Integrante do Grupo de Investigación Histagra e do Centro de Investigación Interuniversitario das Paisaxes Atlánticas Culturais (CISPAC))
• «Ruth Matilda Anderson, tradutora e reivindicadora das mulleres galegas e da Galicia longamente ocultada» por Alba Rodríguez  (Tradutora e editora técnica en Afundación. Integrante do Grupo de Investigación en Tradución e Paratradución (T&P) da Universidade de Vigo);
• Intervención por videoconferencia de Patrick Lenaghan (Doutor en Filosofía. Curador de gravados e fotografías na Hispanic Society of America).

Pola tarde haberá un faladoiro.

Máis novas