Sábado. 29.01.2022
El tiempo

A Plataforma fisterrá enviou un comunicado a Patrimonio pola conservación do Monte do Cabo

A Plataforma fisterrá enviou un comunicado a Patrimonio pola conservación do Monte do Cabo
A situación do Monte do Cabo, ou Promontorio Nerium, preocupa no seo da Plataforma Fisterra Único Fin do Camiño. I é que a entidade ten un plan de conservación e promoción para o promontorio, pero precisa da axuda institucional para que poida ser unha realidade. A entidade vén de enviar un escrito ao Director Xeral de Patrimonio onde informa do mal estado no que se atopa o Monte do Cabo á espera da posta en marcha do Plan Directorio do Monte do Cabo pola Dirección Xeral de Patrimonio Histórico, dirixido por César Portela. Asimesmo denuncian outras actividades que se levan a cabo no outeiro e que non axudan a súa conservación. I é que unha verdadeira ordenación do Cabo Fisterra é necesaria. Para a Plataforma "Tódolos elementos etnográficos, arqueolóxicos e históricos que morren cada día afogados pola terra e os toxos do mítico Promontorium Nerium fisterrán amosan unha desidia i esquecemento que denota unha falta de sensibilidade pola entidade propia e que non contempla ningún tipo de argumento que o xustifique". Pintadas nas pedras santas, queimas de produtos tóxicos... unha morea de actividades que perxudican as milenarias rochas. Por eso, a Plataforma quere instar á Xunta a que tome medidas inmediatamente para a conservación do patrimonio do Monte do Cabo.

Máis información

Novas relacionadas

Fonte

comentarios