A Anchoa volverá ser a capital do música celta coa XIX Festa Folk na Fin do Camiño
Coa cita da Carballeira de Zas xa enriba, os amantes da música folk pechan tamén outra data: a do sábado 17 de agosto, cando terá lugar a XIX Festa Folk na Fin do Camiño.
A brava xente da Asociación Anchía facía a presentación oficial xunto cos membros do Concello fisterrán, e doutras asociacións locais, aos que agradecen o apoio así como á Deputación. O toque musiqueiro puxérono as anfitrionas Alba e Aroa do Calma Chicha.
De vovo, a entidade aposta polo medioambiente, como non podía ser doutro xeito falando do lugar do que falamos, un evento pegado á praia Langosteira. Así o vaso ecolóxico será de uso obrigado para tod@s o que queiran consumir.
A festa arrincará ás 13:00h con degustación de produtos da terra e animación cos grupos “Nin chicha nin patacón” e a “Batucada dos Rapacollóns Big Band”. A partir das 17:00h será o tempo da festa infantil.
O Festival propiamente dito comezará ás 22:00h, e serán as Faíscas da Pontraga os que rompan o xeo. Treixadura, a mítica banda galega, traerá o seu singular espectáculo ao escenario fisterrán. Dende o Morrazo chegan Astaror fusionan o folk co rock, acompñado cunha gran orquesta de cámara. E para pechar, a caña do punk folk dos herculinos Bastards on parade.
Crónicas da Festa Folk
- Festa Folk 2018: Apoteosis musiqueira na Festa Folk na Fin do Camiño.
- Festa Folk 2017: Un corazón para a Festa Folk na Fin do Camiño.
- Festa Folk 2016: Socorro Insua: “A Festa Folk na Fin do Camiño é un festival para todos os públicos”.
