Canta falta fai darlle un impuslo ao Turismo Mariñeiro en Galicia. Un tremendo potencial o que temos no noso litoral, para servir de nova fonte de ingresos no sector do mar, pero que a pesar das moitas iniciativas públicas para fomentalo, non caba de arrincar. A ver se será iso, que non serven eses programas das administracións que, a base de subvención de turno, poñen a andar un proxecto que morrerá o vindeiro ano por falta de fondos… Un clásico da economía galega.

Unhas das boas experiencia foi desenvolta dende a Reserva dos Miñarzos, pero a pesar dos premios a Turismo Mariñeiro de Lira, a Xunta está deixándoa morrer… A dia de hoxe, a nova ruta das mariscadoras de Camariñas é unha das referencias.

Contra esta lacra, e para potenciar esta clase de turismo, nace Bluscus, a primeira empresa de e-comerce de turismo mariñeiro en Galicia, que nacía hai pouco e que non se prantexa fronteiras. Xa están armando unha serie de actos para darse a coñecer, e cunha política de divulgar e promover a cultura mariñeira. Por agora contan na súa web con unha ducia de produtos, pero teñen en marcha xa 40 experiencias preparadas para comercializar.

Experiencias completas, mariñeiras e gastronómicas, seguindo toda a trazabilidade do peixe, dende que se vai pescar, ata que se degusta.

Son varias as experiencias que ofrecen pola Costa da Morte. Como non podía ser doutro xeito, poderemos disfrutar do paseo pola ría de Corcubión cos Cruceros Fisterra, ou disfrutar tamén do marabilloso crucero ao solpor da fin da terra

A pe tamén ofrecen a Ruta mariñeira por Lira, puidendo escoller tres series: a dos naufraxios, a das mariscadoras ou a ruta do porto, guiadas sempre polas propias mariscadoras lirachas. E seguro que a oferta segue medrando.

Atentos estaremos porque parece que e outro proxecto con denominación de orixe costeira, o blog de viaxes colaborativo, “Equipaxe de man”, están armando algo para este verán na Costa da Morte!

Máis información

• bluscus.es.
• Facebook de Bluscus.

Novas relacionadas

• Lira amosou a cara máis amable da Costa da Morte aos socios do proxecto Europeo 2Fish.
• Novo premio para o Turismo Mariñeiro de Lira.
• De ruta coas mariscadoras de Camariñas.
• Coñecendo casos de éxito do turismo mariñeiro.
• 2012: O turismo mariñeiro esténdese por toda Galicia con Margalaica.
• A Costa sabe degustar o seu mar.
• O GAC do sur da Costa aumenta o seu pontencial en turismo mariñeiro.
• Un crucero ao solpor de Fisterra.

Fonte

• Redacción de QPC (info@quepasanacosta.gal).