Os usuarios da Aula CeMIT de Fisterra partipan na creación do Catálogo de Paisaxes de Galicia Despois da interesante proposta da Xunta para crear o Catálogo de Paisaxes de Galicia a través dos cidadáns e da que foi partícipe o equipo de QPC, os usuarios e usuarias da aula CeMIT de Fisterra fixeron a súa propia achega destacando varios lugares de interese do municipio fisterrán. En total indicaron máis de 30 puntos de interese entre os que figuran a Cama de Pedra (San Guillermo), as Pedras Santas, a Cova do Encanto ou mesmo o embarrancamento do Casón, entre outros. Nesta actividade partipan dez persoas que son usuarias habituais da aula CeMIT e que fixeron o traballo grazas á sabiduría popular e realizando unha selección dos lugares que lles resultan máis interesantes. Deste xeito, este traballo serviu para dar a coñecer a xeografía de Fisterra e para achegar os participantes ao manexo das novas tecnoloxías.

Máis información

• sixot.es/CatalogosPaisaxe.
• somospaisaxe.org.

Novas relacionadas

• Queres participar na creación do Catálogo da Paisaxe Galega?
• A veciñanza costeira participa no Catálogo da Paisaxe de Galicia.
• Denuncian a grave deforestación da Devesa do Anllares.
• Francisco Santiago López denuncia con vídeos desfeita dos sistemas naturais costeiros.

  Fonte Redacción QPC (in@quepasanacosta.gal) Aula CeMIT Fisterra