O primeiro en presentar o programa de Nadal para este ano é o Concello de Fisterra. A Concellería de Cultura prepara máis dun mes de actividades, que comezarán o 2 de decembro cos contos de Raquel Queizás, e rematará coa tradicional cabalgata polas parroquias.

Polo medio, teatro, obradoiros, maxia, títeres (especial a cita con A Pita Cega, de María Lado, representado polos Títeres Alakrán de Borja Insua) e o sempre especial mercado de Nadal artellado polos Rapacollóns.