Venres. 29.03.2024
El tiempo

O sector hostaleiro de Fisterra tamén está "indignado"

O sector hostaleiro de Fisterra tamén está "indignado"
Os peregrinos pelexando cos coches na subida ao Faro-Foto- Xusto Gomez A semana pasada chegounos unha nova queixa dende o sector da hostelería sobre a competencia desleal. Unhas queixas que teñen o seu centro neurálxico en Fisterra, o segundo punto máis visitado de toda Galicia. É en Fisterra onde o fenómeno do "asalto ao peregrino" é máis acusado, e onde o traballo das administracións en materia de divulgación debería máis extendido. Se por unha banda, o problema coa legalidade dos establecimentos está xerando moita confusión e moitas perdas no sector; pola outra a falta de aproveitamento dos peregrinos que chegan é patente. Ca contabamos un exemplo: a Oficina de Información Turística do Faro Fisterra non conta con internet. Milleiros de persoas chegan ata este punto e non poden conseguir máis información que unha fotocopia do rueiro de Fisterra. Hoxe envíanos Martín Canosa, responsable da empresa Brigantia Viajes, este artigo no que amosa o seu estado de "Indignados", facendo un claro paralelismo co movemento 15M.

"Indignados", por Martín Canosa

É un pracer ver que España, por unha vez, non sae no NY Times ou no Le Monde polo paro, a débeda ou o terrorismo. Afortunadamente esta xeración espertou, farta deste sistema integrista, dos seus políticos, dos seus bancos, etc... Tamén en Fisterra, o sector turístico debería prantexarse unha sentada ou algo semellante, ante unha situación vergoñenta e insostible. Un esperpento non só para Fisterra senón tamén para Galicia e España. Na época de internet, cando os empresarios temos que invertir miles e miles de euros en publicidade na rede, resulta que en Fisterra contamos cun tesouro totalmente desaproveitado e tirado. Milleiros de peregrinos chegan de todas partes do mundo e cunha característica común: todos eles están ávidos de información. Unha situación normal, o chegar a un sitio descoñecido e tratar de saber onde pode un comer, durmir ou sacar o billete e bus. Os empresarios levamos unha década solicitando unha triste caseta de información, como se se tratara do AVE Madrid-Galicia, ou unha autovía... É moi triste traballar no turismo e comprobar que americanos, europeos, asiáticos... só levan de Fisterra as súas fantásticas paisaxes grabadas na retina e unha triste fotocopia, que é o facilita este concello. Unha grande oportunidade desperdiciada día a día de levar as empresas de Fisterra a todos os recunchos do mundo, de captar futuros visitantes, só polo triste feito de non querer, si, de non querer atenderlos. Por non falar do resto da situación:
  • O lamentable estado do entorno do Cabo e o seu acceso.
  • Nin unha Bandeira Azul nin unha Q de Calidade nas nosas praias.
  • Ano 2011 e sen unha triste guía turística.
  • Autobús Santiago-Fisterra: 3 horas!!!! ... etc.
Eu pregúntome que é o que vai facer o noso rexedor a Hungría, que vai promocionar exactamente, cantas das famosas fotocopias levará.... 1000, 2000?? Chámame poderosamente a atención o silencio a este respecto de algúns sectores, especialmente de moitos hostaleiros e empresarios. No ano máis duro da crise, o peor sen dúbida dende o seu inicio, virán o lobo e veranlle os colmillos de verdade, a ver se desta espertan do seu letargo.
  • Artigo de Martín Canosa, de Viajes Brigantia.

Novas relacionadas

Necesidades do Camiño

Fonte

Comentarios