Alexandre Nerium seguirá sendo o alma do Museo da Pesca de Fisterra

Anda o Concello de Fisterra ultimando detalles para a reapertura do Museo da Pesca no Castelo de San Carlos. Despois dunha difícil travesía con poucos recursos, e dunha campaña social xerada para mantelo vivo, o Concello facíase ca concesión hai apenas unha semana, tempo que lle servíu para ultimar certas melloras, sobre todo no xardín, para poder abrir.

Así, este venres 5 de agosto, os visitantes xa poderán visitar este senlleiro museo, e escoitar as historias salgadas de Alexandre Nerium, que volverá ser o guía e o alma do museo.

Haberá algunha novidade, como a incorporación, nas vindeiras datas, dunha pequena embarcación recreativa feita hai case 50 anos, toda en madeira por un dos carpinteiros de ribeira de renome do Ézaro. O bote era dun biólogo italiano que pasou moito tempo pola zona estudando aos paxaros da Costa da Morte.

O Concello está tremendamente contento por devolver a vida a este museo e cando chegue o instalarán na parte de fóra.

Embarcacion recreativa do Ezaro doada ao Museo da Pesca de Fisterra

Horario

• De xuño a setembro: de 11:00h a 14:00h e de 16:00h a 20:00h.
• O resto do ano: de 11:00h a 14:00h e de 16:00h a 18:00h.

De momento no se vai cobrar entrada, ata que se poidan realizar os trámites burocráticos, que poderían levar ata outubro.

Novas relacionadas

• Xullo 2017: O Concello de Fisterra asume a xestión do Museo da Pesca.
• Xuño 2016: A comunidade cultural galega envórcase co Museo da Pesca de Fisterra.
• Xuño 2016: O eterno peche do Museo da Pesca de Fisterra.
• Xuño 2016, Miro Villar: O poeta maltés Stephen Cachia critica o peche temporal do Museo da Pesca de Fisterra.
• Febreiro 2016: A Deputación intentará reflotar o Museo Seo de Corcubión.
• Marzo 2015: Contra o pasamento do Museo Seo de Corcubión.
• Marzo 2016: Xa son 5 os Concellos que abandonan a Asociación Neria.
• 2014: O Museo sen luz.
• Novembro 2014: A Neria, en quebra.

Fonte

• Redacción da QPC (info@quepasanacosta.com).