Luns. 18.11.2019
El tiempo

Rescatan un home que se lanzou ao mar na praia Langosteira

Imaxes do vehículo situado no medio da praia Langosteira, o rescate do barco, e a chegada a porto e traslado en ambulancia
Imaxes do vehículo situado no medio da praia Langosteira, o rescate do barco, e a chegada a porto e traslado en ambulancia
Rescatan un home que se lanzou ao mar na praia Langosteira

Seguen acontecendo sucesos inauditos na vila da fin do mundo. E como aconsellan as asociacións relacionadas coas enfermidades mentais, cómpre sentarse a falar do suicidio, tratando de romper mitos e de falar con claridade, lonxe do morbo, de sucesos coma estes.

Esta tarde de luns, un home, natural de Murcia, metía o coche ata a beira do mar na praia Langosteira, na zona de Roque, e lanzábase ao mar.

Varios veciños que paseaban pola zona chamaron, ao velo, ao Policía Local, que rapidamente se puxo en contacto cunha embarcación que lanzaba nasas pola zona. A tripulación da Porto Alegre, cuio patrón é coñecido como “Butaca”, rescatou o corpo xa con claros síntomas de hipotermia e de afogamento, pero conseguiron a través de varias maniobras de reanimación cardiopulmonar, que volvese en si.

De contado levárono ao porto de Fisterra, onde unha ambulancia o levou, con vida, ao Hospital Virxe da Xunqueira de Cee.

Novas relacionadas

Comentarios