Martes. 07.04.2020
El tiempo

Surfeando o temporal

Surfeando o temporal
Axi Muniain sobre unha onda da Costa da Morte-Foto-Greg Rabejac

Xa vimos o impacto do primeiro temporal de mar da tempada. E se moitos dos veciños da zona, cando sabemos que vén mar de fondo, sacamos a cámara de fotos, outros, bravos, sacan a cámara. Así nolo conta o compañeiro das ondas de Nemiña, o muxián Felipe Sar, que acompañaba estes días a un grupo de grandes surfeiros internacionais.

Xentes que xa coñecen ben a Costa da Morte, que xa estiveron o ano pasado por estas datas detrás da chamada “Tremosa”. Esta fin de semana, os especialistas Jerome Sahyoun (Marrocos) e Axi Muniain (País Vasco), o explorador de oceanos, e todo o seu equipo escolleron buscando superar novos límites os “tubos mutantes” da Costa da Morte ás xigantes sesións de Nazaré (Portugal). Son eles os que primeiro as descubriron e os primeiros en surfealas.

E non escolleron mal desta volta tampouco, pois as boias da bisbarra rexistraron ondas de máis de 9 metros de altura, corroborando a sona internacional das perigosas ondas das Costa da Morte. A costa entre Malpica e Fisterra ten zonas ideas para grandes desafíos.

Con eles sempre viaxan un fantástico equipo de reporteiros audiovisuais, para que quede constancia das fazañas. Desta volta, con Jerome e Axi estiveron Bastien Bonnarme e Eric Chauche, dos que vos deixamos aquí un par de fantásticas imaxes.

Estaremos atentos ao youtube, para ver cando chegan eses vídeos!!

Ondas da Costa da Morte-Foto-Eric Chauche Roda solitaria ante a atonita mirada do camarama-Foto- Eric Chauche

Un inverno produtivo para os locais

Felipe surfeando en Estorde Surfeando na Costa da Morte -Foto-Felipe Sar

Se ben as nosas ondas atraen a ducias de surfistas de todas partes, os nosos amantes das ondas tamén están tendo un bo inverno. Moitos xa disfrutan das ondas de Corme, de Malpica, Mar de Fóra ou mesmo de Estorde, como o mesmo Felipe Sar nos conta, a pesar de estar en plena ría. Do mesmo xeito, confírmanos a presencia dunha boa onda na Langosteira, na esquina máis pegada á vila, unha onda que ata hai pouco era un segredo, pero neste mundo, todo se sabe.

Onda da Langosteira en Fisterra-Surf-Foto-Felipe Sar Selfie acuatico de Felipe Sar

Novas temporais

Novas surfeiras

Fonte

comentarios