Continúa sendo unha auténtica pasada a revolución do Fútbol Feminino na Costa da Morte. Ás creacións dos equipos do UD Corcubión, o Corme CF e o SD Ponteceso súmase hoxe a creación do equipo sénior feminino do Dumbría CF.

Un ano despois da creación da súa Escola de Fútbol Base, o club xa conta con suficientes xogadoras e apoios para sacar un equipo competitivo para a 2ª Galega ás ordes de Fran Figueiroa, un dos grandes promotores desta #revoltaFUTFEM.

Con cadro dumbriés, o curso que vén competirán 11 equipos costeiros na 22/23. O Bergantiños (de Gueli) na 1ª Galicia; o Dumbría, o Corme (de Rubén Souto), Ponteceso (de Curro), Cerqueda (de Jorge Guillamet), As Miúdas (de Lucho e Manu), Xallas (de Rupper), Cee (de Rafa) e o Mazaricos (de Borja) na 2ª; e o Corcubión (de Rubén Castillo) na Liga de F7 de Santiago.
A Costa está pendente ademais do segundo equipo do Bergantiños (de Anxo Garrido) que aínda non sabe en que competición inscribirse.

Novas relacionadas

• Xullo 21: Dumbría anuncia a creación dun novo campo no Conco na presentación da Escola de Fútbol Base Feminina.

NOVAS RELACIONADAS

• Agosto 22: #FUTFEM: O UD Corcubión sacará equipo na Liga de F7 .
• Agosto 22: O Corme CF únese á revolución do #FUTFEM.
• Agosto 22: O SD Ponteceso sacará equipo feminino esta campaña.