Xa co modo #CopadaCosta activado toca tamén poñer en marcha a VIII Gala do Fútbol da Costa QPC. Pronto daremos información sobre a mesma pero polo de pronto iremos debullando os primeiros premios.

E comezamos cos pichichis das dúas Ligas da Costa, a 2ª e a 3ª Galicia, xa rematadas.

Na 2ª Galicia a cousa estivo tremendamente igualada. Finalmente o Trofeo Pichichi da Liga da Costa 2022/2023 será para Iván Rojo (San Lorenzo). O carballés, un xa todo un histórico do fútbol costeiro, suma 30 tantos (marcoulle a todos os equipos esta temporada agás ao Muxía), á espera de que a RFGF actualice a lista oficial de goleadores cun tanto de Iván ao Volantes que o propio colexiado recoñecía cun anexo á acta oficial.
A un só gol queda o fisterrán do Cee Isaac Fábregas, xa con distancia sobre Fran Moreira, Sebas ou Alejo.

Na 3ª Galicia o pichichi tamén chegar de cor vermella. Será Lucas (Porteño) o que recolla o prezado balón da olería de Buño polo Trofeo Pichichi da 3ª Galicia 2022/2023, cos seus 26 tantos en 18 partidos. O novo xogador de apenas 21 anos, natural da Ponte, non poderá xogar a Copa por unha rotura de peroné nun adestramento o pasado 22 de abril, apenas 3 meses despois de terse roto o outro peroné. A pesar diso, en apenas 18 partidos, o goleador foi chave para que o equipo de Cousillas estivese 19 partidos sen coñecer a derrota. Seguro que para o ano que vén dará un paso adiante na súa carreira,despos de rexeitar este ano algunha oferta ata do Laracha para quedar no equipo da casa,
Por detrás quedou o seu compañeiro na Ponte, Alan, e xa máis atrás Charli, Dani Mato, Raúl Antelo, Iago Torres ou Adrián.

Táboa de pichichis da 2ª Galicia

Táboa de pichichis da 3ª Galicia

Máis novas

• A Gala do Fútbol da Costa QPC 2022 en vídeo