O Sorteo da LIX edición Copa da Costa masculina celébrase este venres en Carballo. Será o Pazo de Vilar de Francos, en Sofán, en alusión ao vixente campión, o que acolla, ás 19:30h, un evento no que se realizará unha homenaxe a Chano Calvo. 

O plan competicional inicial, no que están inscritos 36 equipos (todos agás o Sofán B) sinala que a competición arrincaría xa o 1 de novembro coa rolda previa.

As eliminatorias, todas a partido único agás as semifinais, serían:

• Rolda Previa: 1 de novembro de 2023.
• Dezaseisavos: 6 de decembro de 2023.
• Oitavos: 11 de febreiro de 2024.
• Cuartos: 1 de maio de 2024.
• Semis: 6 de maio e 2 de xuño de 2024.
• Final: 9 de xuño.