Segunda xornada da Preferente e o que o Sofán conseguira fóra de casa, deixouno no Carral. Os de Pablo Torreira sufriron unha expulsión tempraneira e o choque púxose costa arriba. A pesar de estar con 10 moitos minutos, o equipo deu a cara, pero un balón solto e a falta de acerto impediron que os carballeses sumasen na casa.

Sofán - Lemos (0-1)

• Sofán: Gardu; Iván, Álex, Noé, Dani García; Fabián (C), Iván Parafita; Martín, Paulo, Marcos Montero e Eloy.
• Gol: 0-1, m.60: nun centro chut.

Comezaba o partido co Sofán controlando moi ben ao rival, pero pasada a media hora Noé cometeu un erro ao caer nas provocacións dos rivais, soltou o pé e o colexiado considerouno agresión e o expulsaba. Antes Pablo, nun man a man, e Eloy, tiveron un par de boas ocasións para abrir o marcador.

A partir da expulsión o equipo acurrucouse algo máis pero non sufría para nada. Foi ao cuarto de hora da segunda, co partido igualado e sen sobresaltos, cando un centro chut do rival envelenábase e se colaba pola escuadra de Gardu. A partir de aí, e malia estar cun home menos, o cadro de Torreira deu a cara e foi polo empate. Fita tivo unha clara, e en dous saques de banda longos tiveron os carballeses o empate na cabeza. A máis clara puido ser un centro lateral de Braian ao que non chegou Juanjo por moi pouco.
Pero xa no desconto, Alex Sánchez, mentres protestaba por unha acción anterior, tamén foi expulsado por unha entrada dura.

Todas as Crónicas da Preferente

• X.1: O Sofán comeza mandando dende atrás.

Máis info

• Todas as táboas en www.futboldacosta.com.