Xoves. 20.01.2022
El tiempo

Preferente: O Xallas sumou unha vitoria chave

Xallas hai un par de xornadas
Imaxe dun choque desta campaña
Preferente: O Xallas sumou unha vitoria chave
Volveu rodar o balón nos campos do Fútbol da Costa. Non en todos, pois foron un total de 9 partidos suspendidos por problemas de COVID dos 21 que se tiñan que desputar nesta xornada. Unha xornada que ademais foi retrasada no calendario trala suspensión das ligas costeiras na última fin de semana de 2021, polo pasamento do colexiado cormelán Lucas Vicente Vidal.

Na Preferente, de feito, o Boiro-Fisterra, así como o Sigüeiro-Pobra, non se disputaron, quedando só o Xallas como único equipo costeiro en competición, que sumaba a súa 3ª vitoria seguida e soña con meterse na pelexa pola permanencia. Cómpre lembrar tamén que o Sofán tampouco xogou pola suspensión (sen retraso) da xornada na 3ª RFEF.

Laracha - Xallas (0-1)

  • Xallas: David, Aitor, Diego, Julito, Jorge Colón, Borja, Doro, Brais, Carlos, Alex Blanco e Stefan. Tamén: Coke, Adrián Periscal, Adrián López, Erre e Juanma.
  • Gol: 0-1, m.80: Doro de cabeza a un centro de Álex Blanco.

Partido igualado ata o m.60, mesmo con máis ocasións para o equipo de David González, como unha clárísima de Diego que non aproveitou un rexeite. Si que tivo que sacar David un balón a “bocajarro” na primeira metade nunha das poucas chegadas dos locais.

A partir da hora de xogo, e vendo que o partido estaba moi accesible, o Xallas subiu liñas e apretaron ata conseguir o gol, anotado polo eterno Doro. A partir de aí xestionaron ben os últimos 10 minutos e non sufriron os xalleiros, para sumar unha vitoria que pode valer un mundo.

comentarios