Menuda xornada a deste martes no Fútbol Veteranos, chea de goles, con dous focos fundamentais. Era a penúltima xornada da División de Honra, e en San Andrés, o Sporting Zas (2º) desfacíase do CF Dumbría (3º) por 4-2, quedando só co San Lorenzo na loita polo título. Os de Verdillo vencían por 8-4 ao Porteño e suman 1 punto máis que os zaseiros polo que de gañar o domingo en Coristanco (ou facer o mesmo que o Zas) proclamaríanse campións de Liga.

Por abaixo, cos Razo e Corcoesto descendidos, Castriz e Porteño xóganse o terceiro posto de descenso, con 2 puntos de vantaxe para os xalleiros.

Mentres, a 1ª xa remataba a semana pasada. O Sporting Bértoa quedaba campión pero renuncia ao ascenso, polo que Leiloio e Corme ascenden á División de Honra.
Ademais, o terceiro posto de ascenso decidirase a partir desta fin de semana, pois o playoff empeza xa, do seguinte xeito:

• Oza (4º) vs Fisterra (7º)
• Malpica (5º) vs Nantón (6º).

Novas dos Veteranos

• Abril 22: Os Footy Killers trouxeron o fútbol inglés de Veteranos a Camariñas.
• Febreiro 22: A muller incorpórase ao Fútbol Veteranos.
• Xaneiro 22: Veteranos: A parte alta mantense igualada tralo primeiro treito de competición.
• 2019: O San Lorenzo, flamante campión da Copa da Costa de Veteranos.
• 2019: A Selección de Veteranos da Costa sobe ao podio galego na súa estrea.