Última fin de semana de febreiro e de novo 64 partidos en liza no #futboldacosta. Saben que teñen todas as táboas de resultados e clasificacións en www.futbodacosta.com, mentres que en QPC Deportes analizamos a fin de semana e mañá traeremos as crónicas partido a partido.

E comezamos a análise da xornada pola Preferente con resultados dispares. As malas novas chegaban dende Dumbría, pois o cadro de Canosa non podía cun Taboada moi serio. Si que sumou o Xallas de Santa Comba e nun partido clave ante un Laracha que queda agora 1 punto por debaixo. Os de Corredoira vencía por 1-0 con gol de Pablo Baña e quedan 4º, agora con 5 puntos sobre os dumbrieses, pero aínda lonxe do trío de cabeza.
E completou a tarde a gran vitoria do Soneira en Vimianzo ante todo un Grixoa, con gol de Richi que aos seus sós 17 anos se consagra na categoría, conseguindo ademais 3 puntos importantísimos e que cortan unha mala racha dos de Candamo.

En 1ª, frouxo balance para os nosos, pero é que a xornada viña complicada. Por arriba, o Malpica prantou cara a todo un líder, pero o Estudiantil acabou levando os 3 puntos de Pedra Queimada, deixando ao cadro de Baña na 7ª praza.
Por abaixo as cousas non se solventaron esta xornada. O Fisterra comezaba onte un empate ante o Unión, que lle vale para manter a 11ª praza. O Camariñas tamén sumaba, un punto e ante un Bertamiráns B moi forte. Pero o que parece máis atenazado, o Ponteceso, volvía de baleiro ante un Amio ao que ademais permite escapar.

A xornada na 2ª Autonómica deixa á Esteirana máis líder. Os de Marcelo mallaron nun desquiciado Dumbría B e xa aos 20 minuto o marcador sinalaba un claro 0-3. Queda agora o Baio a 5 puntos tralo seu tropezo en Verdillo, ante un sempre serio San Lorenzo. O Cee pégase de novo a 1 punto dos baieses tras vencer ao Muros.
Por abaixo, foi clave a vitoria do Outes ao Montelouro. Os loureáns quedan afundidos na penultima praza, a 6 da teórica salvación e cunha xeira de resultados terrible con só 3 puntos nos últimos 16 partidos. Queda agora o Mazaricos (que adicaba o partido ao lesionado Kevin), tras non poder sacar nada dun Cubaleiro onde o Corcubión case certificou a súa permanencia e xa se coloca na 8ª praza, o que queda nesa perigosa 16ª praza que pode sufrir os arrastres da 1ª. O Cabana caía onte ante o Corme e tamén segue en zona de perigo.

Na 3ª, non fallaron os de arriba. Se o Camelle sumaba os puntos do filial fisterrán, Independiente e Porteño solventaron as súas papeletas. E non o tiveron fáciles. O IDC tivo que remontar o 1-0 do Lira mentres que o Porteño rompía por fin un terrible comezo de ano. E pagou os pratos rotos o Alcaián que levou un set no peto. Os camelláns superan en 3 e 3 puntos a carballeses de os da Ponte, pero cun partido máis que ambos. Na loita pola promoción, o Laxe daba a relativa sorpresa da xornada ao vencer ao Soneira B, meténdose xa na 6ª praza, agora a só 4 puntos de soneiráns e do Cerqueda, que voltaba de Cee cun arduo empate acadado ante un Ameixenda que está a 5 puntos. Baixa o Muxía lixeiramente tras non pasar do empate ante o Castrelo, que sumaba o seu 7º punto; e baixa tamén o Baíñas que non pasaba do empate ante o Corcoesto, quedando os dous equipos a 4 do Laxe. En Nantón o cadro cabanés podía adicar a vitoria a Díaz Lema, home de clube que falecía a pasada semana e que o campo cabanés lle rendía hoxe unha emotiva homenaxe.

En Xuvenís, o Cabana destácase mentres que a segunda praza que dá acceso á Fase de Ascenso á Liga Galega cada día está máis bregada. Os cabaneses superaban a un Fisterra que parece ter baixado os brazos, e sacan 4 puntos ao Xallas de Santa Comba. Un cadro xalleiro que non pasaba do empate ante o Malpica, mentres que o Dumbría superaba con claridade a un Ponteceso xa sen ilusión. Os dumbrieses quedan a 1 só do XSC e os malpicáns a 3.
Na Copa, o Outes segue intratable e vencía ao Baio. mentres o Muros parece que non levanta cabeza, aínda que o Muxía non estea moito mellor. No outro Grupo a loita por evitar a praza de descarte parece polo menos intensa. Onte o Mazaricos vencía en Vimianzo e deixaba ao Soneira último 2 puntos por debaixo.

Nas Ligas Galegas moi mala xornada para os nosos. 3 derrotas e un só empate, o dun Bergantiños que xa case non ten nada que facer na Liga polo Título de infantís. Mentres, o Dumbría caía na Liguilla por evitar o descenso pero mantén intactas as súas opcións de salvación. En Cadetes, o Dumbría sufría unha dolora derrota ante o seu antecesor, un Santiago de Compostela que escapa a 8 puntos, e ademais o Ural alcanza aos de Lobelos e Leis na última praza de ascenso.

Preferente, xornada 26

1ª Autonómica, xornada 24

2ª Autonómica, xornada 24

3ª Autonómica, xornada 24

• Descansa Coristanco.
• Camelle-Fisterra B (0-2).

Liguilla Previa á Fase de Ascenso á Liga Galega Xuvenil, xornada 6

Liguilla da Copa da Costa, Gr. 1, xornada 6

Liguilla da Copa da Costa, Gr. 2, xornada 6

Liga Galega Cadete, xornada 23

Liga Galega Infantil, Playoff polo título, xornada 3

Liga Galega Infantil, Playoff de Descenso, Norte B, xornada 3

1ª Cadete, xornada 16

1ª Infantil, xornada 20

• Descansa As Baleas.

Ligas de Veteranos, xornada 23

1ª División

2ª División

Máis información

• www.futboldacosta.com.

Crónicas da semana

• O Muros sofre un duro parte de sancións.
• Repasando a actualidade de cadetes e infantís.
• Xuvenís: Aprétase a cousa por arriba e por abaixo.
• 3ª Autonómica: O Camelle asalta o liderato e a loita pola promoción aprétase.
• 2ª Autonómica: O Cee fréase en Mazaricos e o Montelouro afúndese ante o líder.
• 1ª Autonómica: O Fisterra suma a costa do Ponteceso.
• Preferente: O XSC recupera as boas sensancións e o Soneira as malas arbitraxes.
• Resultados e análise da xornada de Enterros da fútbol da Costa.

Artigos relacionados

• Héctor Pose: Os imprescindibles.
• Alberto Pose: Da inmensa cobertura informativa do #futboldacosta.
• Anxo GarridoVídeoentrevista de Anxo Garrido co míster do Bergantiños Javier Lavandeira.
• Un album de fotos antigas do Fútbol da Costa.

Fonte

• Redacción de Deportes de QPC ([email protected]).