O Quecemento

• Óscar Leis: Bos días Silvia, ante todo moitas gracias por dedicarnos este tempo, que coñecéndotre, sabemos que non te sobra. Cóntanos, como é un día normal na túa vida? Chéganche as horas?

Silvia Cancela: Teño a sorte de traballar en algo que me encanta como é o mundo do deporte dentro da política. E ademais na miña gran paixón que é o fútbol, onde trato de ser o vínculo entre os clubs e a Federación. Pero non, a verdade é que non me chegan as horas pero disfruto do que fago.

• O.L.: Dicía un señor de Lariño que de fútbol e política sabe todo o mundo. Ti que estás nas dúas frontes, cres que é así?

Aparentemente si, porque as dúas cousas están no noso día a día moi presentes xa que nos medios de comunicación tanto o fútbol como a política ocupan moito tempo, pero cando estás dentro percátaste de que non é tan fácil como se ve dende fóra; desde dentro todo é diferente.

O Partido

• Ó.L.: A min a política (de momento) non me tira así que se che parece ben, imos ao Fútbol.

1º Tempo

• Ó.L.: Es á portavoz pero cal é o teu cometido dentro da Real Federación Galega de Fútbol?

Veño do fútbol afeccionado e o que trato de que mostrar é ese fútbol na federación, que entendan as súas peculiaridades, as dificultades que pasan as directivas para sacar os clubs adiante por exemplo. Trato de ser o nexo de unión entre clubs modestos e a federación, todo iso ñe importante que se teña coñecemento na Federación á hora de tomar decisións.

• O.L.: Agora que levas un tempo dentro da Federación, e iso implica estar no día a día do fútbol por toda Galicia, que percepción hai do Fútbol da Costa no resto de Galicia?

Podo dicirche Óscar, e ti o sabes tamén, que o Fútbol da Costa é envexado en toda Galicia. Unha envexa sana da paixón que lle pomos na Costa ao fútbol. Teño mil anécdotas de xente que alucina cas Finais de fútbol base e feminino, onde as bancadas están cheas de xente. Ou por suposto da final senior, a nosa Copa da Costa é envexada en todas partes.

• O.L.: Iván Cancela, Manolo Corredoira e Silvia Cancela, xente da Costa na Futgal, realizando un gran traballo. Medrará a representación costeira?

Estamos inmersos nun proceso electoral e polo tanto todo vai con máis calma e cautela, oxalá poida incrementarse a nosa presencia na Futgal, onde tamén teño que dicir que a representación como asambleistas dos clubs costeiros é importante sobre todo tendo en conta que somos unha subdelegación.

• O.L.: Tamén vivistes o día a día dun club como directiva. Que futuro lle ves o noso fútbol costeiro e que cres que deberíamos mellorar?

Estamos medrando en todos os sentidos, na formación por exemplo, o crecemento é constante. Penso que xa ocupamos un lugar importante no mapa fútbolistico de Galicia pero evidentemente queda camiño por percorrer para seguir mellorando e crecendo.
O que si me preocupa que as directivas nalgúns casos están formadas por poucos membros e incluso algunhas de ellas con moitos anos de traballo ás costas. Necesítase máis xente nova que axude a seguir impulsando os clubs e neste caso tamen os equipos femininos.

• O.L.: Se non estou errado, esta campaña que comezou pode ser das máis frutíferas en canto a equipos de base e sobre todo no feminino, non?

É certo, medran tanto a base como o fútbol feminino. Gozamos de boa saúde, e tanto nun como o outro froito do traballo da xente do fútbol costeiro. É un orgullo ver como medran tanto un como o outro.

2º tempo

• O.L.: O crecemento do fútbol feminino é palpable, e aínda que queda camiño por percorrer, por onde pasa o seu futuro?

Como che dixen antes, medra e vai seguir nesa liña. Pero sería importante sobre todo no fútbol feminino ir con calma, avanzar, dar pequenos pasos pero seguros para poder asentar o fútbol feminino e seguir tratando de que medre. Entre todos, clubs e Federación imolo asentar e darlle un futuro sostenible. femenino

• O.L.: Que che fai sentir este crecemento do fútbol feminino?

É algo que me enorgullece e me alegra moitisimo. Cada vez mais clubs optan por crecer en este aspecto e faime sentir feliz.

• O.L.: Eu son un namorado do Fútbol Base. Que equipos como o Celta, Depor, Lugo… viñesen á Costa a competir nas Ligas Galegas e mesmo en División de Honra Cadete, foi algo que nos achegou ás grandes cidades futbolísticamente falando; ao igual que o gran traballo realizado coas Seleccións da Costa sub12 e sub14. Pensas que sería posible dar outro salto e seguir recurtando a distancia con outras zonas de Galicia?

Claro que si, con traballo e paixón lograrémolo, a pesar das nosas limitacións en temas como a poboación con respecto a outras zonas; pero estou seguro de que entre todos seguiremos dando guerra e competindo cara a cara con todos. O apoio da Federación estara sempre aí para que vaiamos da man.

• O.L.: No tempo que levas na Federación, cal foi o mellor e o peor momento?

O peor momento foi durante a pandemia sen lugar a dúbidas. Foron momentos durísimos en todos os sentidos, houbo que tomar decisións moi complicadas, reunións interminables na procura de solucións…
E o mellor momento no persoal foi cando recibín a chamada de Rafael Louzán para que me incorporase. O meu soño sempre foi traballar para o fútbol galego pois é a miña paixón. A nivel deportivo moitos bos momentos, como os triunfos das Seleccións de base e de fútbol sala. Gardo na mente recordos marabillosos e por suposto a Selección do noso Iván Cancela que nos fixeron moi felices.

A prórroga

• O.L.: Dende a chegada de Louzán e a súa Xunta Directiva, a Costa estivo moi presente na Futgal. Eu, e iso é opinión persoal, penso que si lle deu moito valor ao fútbol costeiro, pero agora estamos nun momento de estancamento na relación Costa&Futgal. Concordas comigo? (non creo… jajaja)

Acertas, jajaja. Non estou de acordo contigo, pero explícome. Pode que de cara a fóra dea esa sensación de estancamento. Certo é que tras o paso do covid costa atopar o ritmo anterior a pandemia pero asegúroche que internamente estamos a traballar en proxectos importantes pero que levan o seu ritmo, e eu na miña función sigo a estar presente no día a día dos clubs e sempre estou á súa disposición, son cercana pero tamén seria e rigurosa.

• O.L.: Como che gustaría que dende os clubs visen a FUTGAL? Explícome, ás veces aínda dá a sensación de aquelo de “ca Federación hai que levarse ben, oh” está moi presente. Non debería ser máis fluída a relación entre Federación e clubs? non ter medo á crítica por quen a fai, sempre que sexa construtiva, nin por quen a reciba? Penso que así medraríamos máis e da man, a verdade.

Penso que a relación é moi fluída, como dixen antes procuramos estar preto dos clubs, e os clubs teñen na súa man mostrar calquera inquedanza nas reunións periódicas que facemos con eles sen ningún tipo de problema. Sempre que se faga desde o respecto, a critica construtiva sempre hai que escoitala e como dixen antes ir da man para que todo vaia crecendo e mellorando. Insisto, é importante acudir ás reunións e tratar os temas que nos preocupen.

• O.L.: Non son obxectivo porque na miña cabeza está sempre que o Fútbol da Costa medre e evidentemente vos traballades para o Fútbol de toda Galicia. Pero hai en mente na Futgal algún proxecto para a Costa?

Na nosa mente sempre está o facer cousas, e na Federación a Costa está moi presente, pero todos os proxectos levan o seu tempo e o seu ritmo. Proximamente faremos un congreso onde queremos recoller todas as inquedanzas e propostas que sexan beneficiosa para o fútbol e por suposto para a Costa tamén.

Os Penaltis

• 1º Un/ha porteiro/a : MJ.
• 2º Un/ha defensa : Laura Caamaño.
• 3º Un/ha centrocampista: Sandelo.
• 4º Un/ha dianteiro/a: MC / Yasmina.
• 5º Un/ha adestrador/a : Para min sempre será Iván Cancela, pero deixando a el un lado vou dicir os campións de Copa, Juan Porrúa e Juan Cabrejo.

• Entrevista realizada por Óscar Leis.

Outras entrevistas en QPC: Os traballadores na sombra

• Barrié, alma do Ponteceso: "Non teño data de caducidade. Cando a teña será cando Dios queira”.
• Fernando, alma do Ameixenda: "O fútbol afeccionado está a perder a esencia de ver rapaces xogando nos equipos do seu Concello”.
• Rama, alma da Esteirana: “Sabes o gusto que dá poder levarte ca maioría dos xogadores cos que tiveches relación?“.
• Manolo López, alma do Dumbría: “Levo anos viaxando por moitos campos e máis ou menos sempre estamos os mesmos”.