A III Charla e saída micolóxica de Laxe, que tivera que ser adiada por mor das malas condicións meteorolóxicas realizarase o vindeiro sábado, 18 de novembro, entre as 10:00 e as 13:30 horas.

O evento estará dirixido polo poñente José Manuel Castro Marcote, socio da entidade Pan de Raposo, que se encargará de guiar a xornada. Ademais da recollida e aprendizaxe dos distintos tipos de fungos, este tipo de actividades buscan promover o valor da diversidade micolóxica.

As últimas prazas dispoñibles poderanse formalizar a través do número 981 70 69 03 ou mediante o correo electrónico [email protected] ata o venres, 17 de novembro, ás 12:00 horas.

Teatro

Xa o domingo, a activa Asociación de veciñas e veciños de Serantes, despois do seu magosto, prepara para este domingo 19 de novembro ás 18: da tarde a visita do grupo de teatro da Asociación Os Seixos de Tella, que representará varias obras.