Así de claro presentaron as súas contas os membros da Comisión de Festas de Laxe. “É triste que algo tan normal e lóxico soe novedoso, pero é certo! A ver se comeza a ser unha práctica habitual :)” apuntan os propios membros cando lles felicitamos pola iniciativa, pero é que a transparencia non é a nota predominante nas Festas populares galegas. A ver se así, o alcalde de Mazaricos comproba que se poden facer unhas festas sen necesidade de tirar de caixa B, como el mesmo recoñecía trala Operación Orquesta.

A idea da cita do pasado sábado era a de esclarecer o estado das contas (gastos e ingresos), así como o estado da actual comisión. I é que “se as festas foron financiadas en gran parte coa colaboración económica dos veciños, éstes teñen dereito a coñecer cómo se administraron as súas aportacións”.

As cifras son rotundas, 125.000€ de ingresos e outros tantos de gastos. Os 80.000€ da cantina son o ingreso máis importante, pero ollo cos 25.000€ que doaron os veciños tralo “porta a porta”. Cando se quere arrimar o hombreiro pódeses.
En canto aos gastos, as Grandes Festas do ecuador de agosto, con 5 días de troula, a contratación da música foi o máis caro, con máis de 50.000€ en orquestras e grupos para o festival MareaRock. Ollo aos 6.500 en pirotecnia, un gasto que pode dispararse…

Ademais, a reunión aberta a toda a veciñanza servíu para invitar aos veciños a participar da mesma de cara a este ano. Seguro que no 2015, facendo as cousas así de ben, contan con máis apoios.

Un grupo que considera ”imprescindible a maior transparencia posible, xa que

Novas relacionadas

• Emoción e vida nun ateigado Naufraxio para pechar as Festas de Laxe 2014.

Fonte

• Redacción de QPC (info@quepasanacosta.gal).