Nova fin de semana protagonizada polo sendeirismo na Costa da Morte, i é que no canto de praia, o que podemos facer é disfrutar do noso meirande tesouro, o patrimonio natural. E a pé moito mellor, como fixeron os 205 camiñantes que percorreron a última das Andainas do programa "Coñece a Costa da Morte". Ou os 40 que percorreron a 3ª etapa do Camiño dos Faros, ou outros 40 que rubiron o Monte Pindo.

Última Andaina por Camariñas

A derradeira Andaina deste ano foi por Camariñas, disfrutando as marabillas do litoral, pasando polo Cabo Vilán, o Cemiterio dos Ingleses e o Miradoiro das Seixas, entre outras marabillas. Coma sempre, a organización un 10, e iso que mobilizar a máis de 200 persoas non é ningunha broma. Canto potencial ten o senderismo na Costa da Morte!

Parada avícola no Camiño dos Faros

Precisamente o Camiño dos Faros é un dos elementos que máis pode difundir o noso potencial de roteiros polo mundo. Esperemos que as administracións apoien esta iniciativa que parte de uns poucos amantes da natureza costeira, e que cada día chegan máis lonxe.

O pasado domingo tocaba a 3ª das, polo de agora, 9 etapas que unen Malpica e Fisterra. 40 transos acompañaron a Traski durante os 25 km da ruta que une Ponteceso e Laxe. Os trasnos ademais están moi contentos porque cada vez son máis... Xentes de Ponteceso, Cabana, Carballo, Coristanco, Malpica, Baio, Corme, Cee, Dumbría, Zas, Coruña, Arteixo, Boiro, Cambados, Santiago, Alemania, Paraguay volveron ser Traskis e quixeron gozar doutro paseo pola Costa da Morte.

A parte máis fantástica da ruta chegou da man do mesmo ornitólogo José Luís Rabuñal Patiño, que deu unha clasxe maxistral da importancia ornitolóxica do Estuario do Anllóns, no mesmo Miradoiro que leva o seu nome. José Luís é un home que transmite moito e que leva nin máis nin menos que 3800 visitas documentadas a este estuario. Ademais disto, a súa gran especialidade son as migraciones e deleitou cunha charla inesquecible.

Dende aí tocaba dar a volta ata o Mirador das Agrelas, para subir a disfrutar de dúas marabillas arqueolóxicas da Costa, como son Castro A Cibdá e o Dolmen de Dombate, despois da fermosa subida pola ruta dos Rego dous Muíño.

Logo de Dombate, aos trasnos esperáballes outra sorpresa na ruta, o ascenso ao Castelo de Lourido que, cos seus 312 metros, é a cima deste Camiño dous Faros. Desde alí as vistas de toda ríaa son espectaculares e ben merecen o esforzo.

Polo camiño que cruza Taboido en dirección a Area das Vacas colleron un camiño polo que percorreron a praia de Rebordelo, San Pedro e a Punta do Cabalo antes de chegar a Laxe onde entraron pola súa impresionante praia, percorréndoa ata o centro do pobo, onde termina esta terceira etapa do Camiño dos Faros.

Roteiro Circular polo Monte Pindo

Despois dun intento frustrado pola meteoroloxía, por fin os organizadores da Asociación Monte Pindo Parque Natural conseguiron non perderse polo Olimpo Celta, como reza o nome do Roteiro Circular. Un roteiro que pretende servir de guía para que a xente coñeza palmo a palmo o monte e nunca deixe de saber onde está.

E máis de 40 camiñantes se atreveron a disfrutar deste outro dos nosos meirandes tesouros.

Novas relacionadas

• Os camiñantes foron unha fin de semana máis os protagonistas.
• De ruta en ruta polo litoral costeiro.
• O Camiño dos Faros ábrese ao mundo.
• As Andainas invaden a Costa da Morte.
• Coa primavera comezan as citas co sendeirismo.
• 5 Andainas por Ponteceso, Muxía, Vimianzo, Corcubión e Camariñas para coñecer a Costa da Morte a través do sendeirismo.
• Percorrendo a pé, e con Traski, o Camiño dos Faros da Costa da Morte.
• Javier Couto: “O turista cada día é máis esixente, e cada vez pide máis sendeirismo”.

Máis novas

• Os Camiños do Mar lévannos a Ponteceso.
• Xeocaching: En busca do tesouro agochado.
• Facendo cumio do Roteiro das Peixeiras do Monte Pindo.
• Roteiros homologados na Costa da Morte?.

Fonte

• Redacción de QPC ([email protected]).