O actual parque eólico de Malpica ocupa 3,2 hectáreas da Rede Natura que se reducirán en 1,3 hectáreas coa reponteciación Despois da repontenciación do Cabo Vilán, é o turno do parque eólico de Malpica que ocupa tamén parte do chan pertencente a Ponteceso. Unha actuación que permitirá modernizar as instalacións ao tempo que diminuirá o seu impacto paisaxístico e ambiental reducindo o número de aeroxeradores de 69 a 7, ademais de rebaixar a superficie ocupada da Rede Natura en 1,3 hectáreas, que pasan de 3,2 a 1,9. O proxecto sectorial de incidencia supramunicipal deste parque eólico aprobouse onte no consello da Xunta. O parque eólico Malpica, cuxa repotenciación se prevé que entre en funcionamento este ano, contará con 7 máquinas que suman unha potencia máxima instalada de 16,45 MW, similar á que xa tiña, e diminuíndo en 62 o número de aeroxeradores, un 90% menos. Coa instalación de máquinas máis eficientes, o parque producirá anualmente máis do dobre, pasando de 30.000 MWh ao ano a 64.700 MWh, o equivalente ao consumo eléctrico de 18.500 fogares. O proxecto, en que o promotor investirá 22 millóns de euros, xa contaba coas autorizacións administrativas previa e de construción, así como de declaración de utilizade pública. A aprobación como proxecto sectorial de incidencia supramunicipal permite a súa integración territorial, ao introducir na normativa urbanística dos concellos afectados, e para aqueles terreos vinculados directamente a el, a cualificación de especial protección de infraestruturas.

Novas relacionadas

• Setembro 2016: Dous aeroxeneradores sustitúen aos 22 muíños do parque eólico de cabo Vilán
• Agosto 2016: O Cabo Vilán, a primeira repotenciación dun parque eólico en Galicia

Fonte

• Redacción QPC ([email protected])
• Consellería de Economía