O Consello de Zona da Costa da Morte- Rías Baixas do Norte (unha entidade máis na bisbarra) reuniuse onte en Malpica para tratar as propostas recibidas para esta área no proceso de participación pública para os plans provisionais de zona, así coma os posibles investimentos. Acodiron á cita, ademais de varios alcaldes da zona, o director xeral de Desenvolvemento rural e de Agader, Antonio Crespo Iglesias, e a delegada territorial da Xunta na Coruña, Belén do Campo Piñeiro.

Melloras nas redes de abastecemento e Camiños

Analizouse a versión preliminar do Plan que ten un investimento de aproximadamente 8,5 millóns de euros, que se destinarían en maior medida a redes de abastecemento e mellora de camiños, con máis de 2 millóns de euros, e á mellora dos centros de atención sanitaria do rural, así como a dotacións para a terceira idade, cun investimento de máis de 2 millóns de euros.
A maior parte do investimento estará cofinanciado a partes iguais entre a Xunta de Galicia e o Ministerio de Medio Ambiente, Rural e Mariño (Marm) e repártese entre as distintas zonas a desenvolver atendendo a uns criterios preestablecidos na Lei estatal 45/2007, de desenvolvemento sostible do medio rural.

Nos consellos de zona teñen participación as entidades locais (a proposta da FEGAMP), e demais entes representativos dos axentes económicos, sociais e ambientais da zona, en cumprimento do enfoque participativo que figura na normativa. Deste xeito, con estas xuntanzas estase a dar un paso máis na aplicación en Galicia da devandita Lei 45/2007 e do Programa de desenvolvemento rural sostible 2010-2014, documento técnico que a desenvolve.

Novas relacionadas

• O “indignado” sector turístico reúnese en Fisterra para mellorar a atención turística.
• As explotacións gandeiras da Costa da Morte resíntense coa seca.
• A Operación Orquesta continúa en marcha.
• O GAC do sur da Costa aumenta o seu pontencial en turismo mariñeiro.

Fonte

• Nota de prensa da Xunta.