O espectáculo "Atesourando a palabra" terá lugar o vindeiro 11 de novembro no teatro Colón da Coruña "Atesourando a palabra" é o nome do espectáculo no que profesionais de distintas áreas se xuntarán para renderlle unha homenaxe ao poeta Paco Souto, sete meses despois do seu fatídico pasamento. A cita será vindeiro sábado 11 de novembro no teatro Colón da Coruña. En coherencia coa personalidade e discurso artístico deste escritor, levarase a cabo unha posta en escena na que confluirán a poesía, a música e a plástica. Diferentes profesionais das distintas áreas dialogarán arredor da figura dun escritor amigo que nos deixou para sempre a súa voz. Rosalía Fernández Rial será a encargada de coordinar e presentar este espectáculo no que participarán os poetas Miguel Mato Fondo, Marta Dacosta, Xosé Iglesias, Lino Braxe, María Xosé Fernández e Paco de Tano. Entre os artistas plásticos estarán Viki Rivadulla, Peter Kramer, Peter Schneider, Mon Lendoiro, Chiña, Abraham Vila. A parte musical do espectáculo correrá a cargo de Aida Saco, Serxio Moreira e algúns músicos de Samarúas. Entradas A entrada é de balde e será necesario retirala na billeteira do Teatro. Novas relacionadas

• Unha balea lugrisiana en homenaxe a Paco Souto
• Manuel Rivas e Paco Souto, protagonistas da Praza dos Libros
• O mundo cultural de Bergantiños lembrou a Paco Souto
• Artistas de toda a comarca homenaxean a Paco Souto coa exposición Luscofusco.
• Marzo 2017: Falece Paco Souto mentras mariscaba en Razo.

Fonte

• Redacción QPC (info@quepasanacosta.com)