Limpeza de Mar de Fabula nas Illas Sisargas

Que valiosas son estas saídas da Asociación Mar de Fábula chegando a onde só o plástico é capaz de chegar. Lembramos accións como a valente limpeza de Punta Caghada ou o repaso ao imán fisterrán dos envases. Desta volta, o pasado luns, unha pequena expedición da asociación ambientalista desprazáronse ata as Illas Sisargas para meterlle unha boa frega.

E falta que facía, pois aínda que parece un lugar separado da man humana, a falta de atención provoca que o lixo se vaia acumulando. Así, pese a ser un lugar paradisíaco de gran valor natural con varias figuras de protección como Zona de Especial Protección para as Aves, as visitas descontroladas e os coidados que a lei esixe para este tipo de espazos, son totalmente ignorados polas administración.

Dende a entidade queren dar un especial agradecemento ó concello de Malpica por poñer á súa disposición dous barcos para transportar aos membros da expedición e aó produto da súa limpeza, así como de facerse cargo de todo o lixo que recolleron. En total foron 15 sacos grandes de lixo mais unha morea de pesadísimas redes, cabos e estachas que tiveron que cargar ó lombo. O 90 porcento do lixo recollido foron artigos da pesca e dos barcos, pero sempre en calquera lugar está presente o noso lixo cotián que utilizamos e desleixamos sen pensar sequera onde pode ir parar.

”Ata descobrimos unha nova especie endémica de peixe con patas á que nomeamos "Peixis sigarmun””, bromean dende a entidade.

A cita tivo o seu susto, e o bo de Xosé Manuel Barros tropezaba nunha das boleiras e tiña que ser trasladado ao centro hospitalario ceés para enxesar o brazo. Esperemos que se recupere pronto.

Fotos de Isa G.

Artigos de Xosé Manuel Barros

• Que ocorre cando tiras da cadea nun cruceiro?.
• Declaración do Couto. A Limpeza do Mar.
• Indo á raíz dos problemas.
• Escala de cruceiros no porto de Brens. Que facer?.
• Porque fumos limpar a Punta Caghada.
• Evaristo e o Corredor de Fisterra.
• Unha verdade incómoda.

Novas relacionadas

• “Antes os bichos raros eramos os que non tirábamos lixo ao mar. Agora os bichos raros son os que contaminan”.
• Limpando o imán dos plásticos.
• O lixo mariño desaparece da zona marisqueira da Basa.
• Mar de Fábula e os mariñeiros únense para limpar un coído en Camariñas
• “Se depositamos os bastonciños nunha papeleira, evitamos que chegue ao mar un dos dez primeiros contaminantes”
• Pequenos cambios, grandes resultados.
• 300 kg de lixo mariño que nunca volverán ao mar.
• Salvamento de lixo en Punta Caghada.
• Mar de Fábula e RetoqueRetro expoñen no CEIDA a mostra “Cos Pés na Area”
• A ensenada do Coído de Touriñan relucirá de novo, agora si, grazas a Mar de Fábula
• As criaturas caóticas de Mar de Fábula chegan á praia de Ariño
• Mar de Fábula recolle 560 bastonciños de algodón en cen metros de praia
• O impacto ambiental dos bastóns de algodón
• Mar de Fábula e as mariscadoras recuperan a enseada da Basa
• Os voluntarios de Mar de Fábula curan a ferida plástica do Coído de Touriñán
• Unha fábula moi ecolóxica.
• A Costa móllase polas súas praias.
• A veciñanza salva os areais.
• Limpeza Simultánea 2013: Limpando praias e conciencias.
• Plásticos que invanden areais.
• Loitando contra a invasión do plástico.
• Crebas en forma de tartaruga e chapapote en Fisterra.
• Limpando as nosas rías: Hoxe limpamos outro Prestige.

Fonte

• Redacción QPC ([email protected])
• Mar de Fábula