Pincha na imaxe para ver o documental de RedBull sobre os Percebeiros de Corme

45 minutos verdadeira espectaculares os que vén de publicar RedBull. 45 minutos de mar, de auténtico mar. Xa o sufriron o completo equipo de gravación, cun equipazo de drons, cámaras... para o que posiblemente foi o "shooting" máis perigoso que tiveron. A marca inclúe a vida e o traballo de dous percebeiros de Corme na súa liña “Breaking the Day”, facendo referencia a que “Un día pódeche cambiar a vida”.

E tanto que un día lle pode cambiar a vida aos irmáns Roberto e Germán Vidal Pombo. Como aquel día que o seu pai, home de mar, rachou a man e obrigou aos maior dos irmáns, Roberto, a comezar a traballar.

Unha verdadeira pasada ver como Roberto afía o raño e marcha para o mar, para ese mar bravo da Costa da Morte que tantas vidas leva tragado.

Cando marcha, o último que escoita é ese “Andande con coidado. Mirade pao mar” do pai. O primeiro que fai ao voltar é chamar á nai. "Xa cheghamos. Todo ben".

Quen sabe se Yago, o pequeno herdeiro, vai seguir a liña salgada familiar, vai ser militar, vai ter que coller a maleta e marchar, ou atopar outro xeito de vivir en Corme. Man co mar xa ten o pequeno!

• Pincha para ver o documental de “Percebeiros” en Redbull.

 

Novas relacionadas

• Agosto 2017: Falece un home nos cantís de Castromiñán.
• Xullo 2017: Corme celebrou os 25 anos da Festa do Percebe do Roncudo.
• Marzo 2017: Falece Paco Souto mentras mariscaba en Razo.
• Setembro 2016: Rescatan en Laxe a un percebeiro tras caer ao mar.
• Abril 2016: Un percebeiro cae ao mar en Fisterra e aparece un corpo en Caión.

Artigos sobre percebeiros

• Calafateando: Un día especial na vida dun percebeiro.
• Unha homenaxe, en vídeo, á figura de percebeiro.
• Unha tarde cos percebeiros de Laxe.

Fonte

• Redacción de QPC ([email protected]).