O lixo mariño desaparece da zona marisqueira da Basa
08:55 22/05/17
Mar de Fábula organizou a terceira xornada de limpeza na ensenada da Basa que se levou a cabo o pasado sábado
82 participantes e 132 sacos son os principais datos da terceira xornada de limpeza na zona marisqueira da Basa, en Camariñas, organizada por Mar de Fábula.
O sol tamén foi o protagonista da mañá do pasado sábado, día no que se levou a cabo a limpeza. O cal axudou a que os resultados fosen os mellores posibles.
Entre os partipantes atopábanse 15 mariscadoras xunto coa súa presidenta e patroa maior e unha ducia de voluntarios entre os que se atopaban o alcalde de Camariñas e unha parte da súa equipa de goberno.
"A mensaxe de responsabilidade e coherencia que a Agrupación de Mariscadoras de Camariñas está a lanzar á sociedade vai tendo cada vez máis eco", sinalan dende Mar de Fábula que, neste caso chegou á capital de Galicia. Na limpeza do sábado tamén colaboraron alumnos e alumnas do colexio San José de Cluny de Santiago de Compostela , con 55 expedicionarios entre nenos de diferentes edades, familiares e profesores, e tamén coa súa directora ao frente.
Foron dúas horas recollendo plásticos grandes e pequenos, indo incluso ao detalle do miudo, en 6 zonas de acceso á contorna do banco marisqueiro, aproximadamente 2.000 metros ao longo da Enseada da Basa.
Na limpeza da ensenada da Basa participaron 82 voluntarios e voluntarias
O resultado foron 132 sacos de 60 litros, cheos de refugallo plástico máis varios m3 de granel. Todo quedou ben estibado, en 3 depósitos na ribeira, á espera dos servicios loxísticos do concello de Camariñas para o seu traslado aos contenedores de Arou. Alí o lixo será separado e clasificado para a súa reutilización directa, artística e artesanal, reciclaxe industrial e, por último, a fracción máis degradada, á súa eliminación segura.
Ao remate do traballo, mentras os participantes repuxeron forzas nun ágape fraternal, tiveron a portunidade de intercambiar impresións e fixar unha estratexia de futura colaboración entre o colexio San José de Cluny e Mar de Fábula.
Pola tarde, o concello organizou para os voluntarios de Cluny dúas actividades de turismo cultural: Unha visita guiada ao faro do Cabo Vilán e unha viaxe de inmersión emocional ao Mundo de Man, en Camelle. Púxose fin así a unha xornada emotiva, de confluencia de ideas, de fonda empatía, de proxectos a compartir para o coidado e conservación da nos Casa Común.
Artigos de Xosé Manuel Barros
- Indo á raíz dos problemas.
- Escala de cruceiros no porto de Brens. Que facer?.
- Porque fumos limpar a Punta Caghada.
- Evaristo e o Corredor de Fisterra.
- Unha verdade incómoda.
Novas relacionadas
- Alumnos e mariscadoras limparán, con Mar de Fábula, a zona marisqueira da Basa
- A Costa da Morte recibe case 275.000€ para a limpeza das praias.
- Mar de Fábula e os mariñeiros únense para limpar un coído en Camariñas
- “Se depositamos os bastonciños nunha papeleira, evitamos que chegue ao mar un dos dez primeiros contaminantes”
- Pequenos cambios, grandes resultados.
- Baldaio preparase para recibir aos voluntarios ambientais de Mar de Fábula
- Mar de Fábula e RetoqueRetro expoñen no CEIDA a mostra “Cos Pés na Area”
- Mar de Fábula continúa co traballo de limpeza de praias
- A ensenada do Coído de Touriñan relucirá de novo, agora si, grazas a Mar de Fábula
- As criaturas caóticas de Mar de Fábula chegan á praia de Ariño
- Mar de Fábula falará co mar nos coídos do Touriñán
- Mar de Fábula recolle 560 bastonciños de algodón en cen metros de praia
- Mar de Fábula mobiliza ao voluntariado para limpar a praia do Lago
- O impacto ambiental dos bastóns de algodón
- Mar de Fábula e as mariscadoras recuperan a enseada da Basa
- Os voluntarios de Mar de Fábula curan a ferida plástica do Coído de Touriñán
- Mar de Fábula prantexa unha limpeza ecolóxica para recuperar a dignidade do Coído de Touriñán
- Unha fábula moi ecolóxica.
- A Costa móllase polas súas praias.
- A veciñanza salva os areais.
- Limpeza Simultánea 2013: Limpando praias e conciencias.
- Plásticos que invanden areais.
- Loitando contra a invasión do plástico.
- Crebas en forma de tartaruga e chapapote en Fisterra.
- Redacción QPC ([email protected])
- Mar de Fábula