Venres. 03.12.2021
El tiempo

As Amas de Casa, as amas do saber tradicional de Mazaricos

As Amas de Casa, as amas do saber tradicional de Mazaricos
Emilio da Bana no CEIP do Pino do Val Emilio da Baña amosando os saberes populares no CEIP do Pino do Val

Chega o outono e con ela as actividades para aproveitar o tempo. E as que non paran son as Amas de Casa da Asociación Cultural Hórreo de Mazaricos, que seguen espallando o saber popular pola volta. A pasada semana seguían coa súa ruta polos colexios, amosándolles aos nenos o mundo da música tradicional. O mestre Emilio Lois tocoulles a pandeireta, a gaita… aos pequenos do CEIP Pino do Val, nunha visita da que seguro que saen moitos artistas.

E nesa liña van enfocadas as Clases de instrumentos tradicionais, abertas a todo o público, e impartidas polo propio Emilio da Baña (como o coñecen nas ordes tradicionais), José Codesido e Felisa Segade. Hai gaita e percusión os xoves e as clases de baile e pandeireta realizaranse os venres.

O primeiro mes é gratuíto e os interesados pódense apuntar ata finais de novembro nos números 690 66 33 11 ou no 626 80 79 22.

curso amas de casa MZ

Curso de Conservas caseiras

Mentres, os Servizos Sociais do Concello mazaricán arman un par de Obradoiros de Conservas Caseiras de alimentos. As citas serán, en novembro, o sábado 12, venres 18, sábado 19 e sábado 26; e en decembro, o venres 2, sábado 3, venres 16 e sábado 17. Os horarios son de 16:00h a 19:00h na Casa da Cultura, onde xa podedes inscribirvos no 981 867 195.

Obradoiro conservas caseiras en Mazaricos

Fonte

  • Concello de Mazaricos.
Un saúdo,

comentarios