Mazaricos celebrou na noite do 1 de xullo o MuSical, un evento de reivindicación da cultura tradicional dentro do cal ofreceron a súa derradeira actuación en Mazaricos as integrantes do grupo Leilía. O veterano conxunto de raíces muradás pon o broche a unha carreira de 34 anos con esta xira e congregou a ducias de veciños e veciñas que desfrutaron do seu espectáculo ‘Vidas Cantadas’.

Previamente, a rapazada desfrutou no Recinto Feiral da Picota dunha tarde de xogos tradicionais e inchables. Ás 17:30h tivo lugar a clausura do curso dos grupos de música tradicional da Asociación Cultural El Hórreo de Amas de Casa de Mazaricos.

Precisamente, varias das integrantes máis novas da asociación compartiron escenario con Leilía nalgún dos primeiros temas do concerto, representando a ligazón entre distintas xeracións unidades pola música e a cultura tradiciona.