Mazaricos leva os seus recursos turísticos a Intur
07:09 24/11/17
Unha expedición de Mazaricos está estes días na Feira Internacional de Turismo do Interior que se celebra en Valladolid
A cidade de Valladolid acolle ata o domingo a Feira Internacional de Turismo do Interior - Intur - na que participan uns 1.200 expositores. Alí está tamén durante estes días unha representación do concello de Mazaricos co fin de promocionar as distintas alternativas de ocio que ofrece o municipio. Ata alí desprazouse o alcalde de Mazaricos - Juan José Blanco Riveiro -; acompañado pola presidenta de Eu Son Mazaricos - Janet Martínez - ; o presidente da asociación de Hostaleiros - Jorge Jurjo -; o presidente de Gandeiros de Mazaricos - Óscar Blanco - así como doutras persoas do sector.
O rexedor sinala que fixeron “a promoción do camiño tradicional sinalando aos operadores como futuro final de etapa Lago e Corzón, pois son uns tramos de 25 e 27 quilómetros, isto é, un tramo natural”. Nesa liña engadiu que “fixamos a Picota como unha área de servizos onde teñan aloxamento, supermercados, piscina e todos o que precisen”. Blanco afirmou que tamén se fixo unha promoción “do camiño que pasa por Brandomil, que reivindicamos moito nos últimos tempos”. Tamén subliñou que promocionaron o “turismo rural de Mazaricos como un turismo con selo de calidade”.
Blanco concluíu resaltando a “importancia” de acudir “a este tipo de eventos porque quen mellor vai promocionar o concello son as entidades vivas que traballan nel e detectan as súas fortalezas e as súas feblezas”. “Queremos continuar a poñer a #EsenciaMZ no mapa”, concluíu. Pola súa banda, o presidente da asociación de Hostaleiros, quixo poñer en valor a presenza en INTUR “porque é unha feira centrada no turismo interior que é o que quere vender Mazaricos”. Ao fío disto engadiu que “temos un montón de workshops, de axencias que buscan turismo natural e rural, que é o que temos nós”. Para Jurjo, Mazaricos ten “potencialidades” para ser un “lugar de culto do turismo”. “Temos unha vantaxe que teñen moi poucos sitios, e é que estamos ao lado da costa. Polo tanto, en realidade, somos costa e interior”, concluíu.
Esencia de MZ
- O Futuro da #EsenciadeMazaricos
- A Esencia de Mazaricos, un reclamo turístico inmellorable.
- Gala EuSonMz: Mazaricos vibrou coa súa esencia.
- O Deporte, clave na esencia de Mazaricos.
- Os nenos, na Esencia de Mazaricos.
- As Asociacións e a Muller, na Esencia de MZ.
- A cultura e os animais, na esencia de MZ.
- MZ en esencia.
Máis novas
- De MZ a Baíñas: Regueifando con Fasido do Ribeiro.
- MZ, Marca Rexistrada.
- A MZ, xa nos mapas peninsular e europeo de turismo de autocaravanas.
- MZ: A Gandeiría como forma de identidade.
- El@s son Mazaricos: “Queremos que a MZ se coñeza en toda Galicia”
Fonte
- Redacción de QPC ([email protected]).
- Concello de Mazaricos