Luns. 15.08.2022
El tiempo

Que podemos facer como consumidores para axudar ao sector leiteiro?

Que podemos facer como consumidores para axudar ao sector leiteiro?
Indicacións para os consumidores sobre o prezo mínimo do leite Indicacións para os consumidores sobre o prezo mínimo do leite Galicia paralízase estes días coas mobilizacións do sector lácteo, esperando a gran tractorada deste xoves 10 de setembro. Un sector clave para a economía do país, con concellos como Mazaricos que depende nun 90% del. E todas as miradas están postas nas administracións: a Xunta, o Ministerio, a señora Europa. As medidas de presión tomadas polos gandeiros xa están dando os seus froitos, e parece que a Xunta está disposta a escoitar o sector, mentres os ministros europeos veñen de acordar liberar unha partida de 500 millóns para axudas. Dous pasos adiante nunha loita global.

Pero que podemos facer nós como consumidores?

De feito, a xornada de onte de mobilizacións arredor do Centro Comercial As Cancelas ía enfocada a explicarlle aos veciños a súa importancia en todo isto. Para iso repartiron milleiros de litros de leite de balde, e explicaron que mercar o leite por debaixo de 0,65€/litro supón poñerse do lado dos que queren acabar co sector. Gandeiros nas Cancelas-Foto-Santi Llecha Os gandeiros as portas das Cancelas educando Falabamos onte de que os custos mínimos de produción, que rondan os 0,34€, malia que moitos gandeiros teñen que vendelo a 0,28. Polo se lle unimos os custos de transporte, de fabricación e envasado, e do marxe do punto de venda, temos que mercar un leite que supere os 0,65€ o litro, cando menos. Desde a Plataforma na Defensa do Sector Lácteo Galego dino ben claro: “Se compras por debaixo deses prezo, xa sabes a quen lle están quitando a súa parte: aos produtores e produtoras galegas. Non colabores neste roubo”. Manifesto da Plataforma na Defensa do Sector Lacteo Galego

A guerra de prezos. Que é o “dumping”

Anxo Escariz, da Organización de Productores de Leite, un dos focos da Plataforma pola Defensa do Sector Lácteo Galego, despois de participar nos bloqueos a empresas como Lactalis, Día ou Carrefour (as firmas que faltan por asinar para levar adiante o acordo deste xoves en Madrid), explican como se fai a guerra de prezos. Indican que “son as firmas de distribución estranxeiras, nomeadamente as francesas, as que están utilizando o leite galego como dumping na súa pelexa por buscar clientes con outros distribuidores. Están utilizando o prezo do leite tirado polo chan para enganchar ao cliente e a este último séguelle saíndo caro o carro da compra porque repercute na marxe de beneficio dos outros produtos”. Aí temos que estar nós, coa nosa conciencia por diante do noso peto, para pensar que por cada vez que aforramos uns céntimos, unha explotación galega ten que pechar. Cómpre mirar o prezo, e mirar que o leite sexa galego, esquecendo, mentres siga ca mesma política, a empresa Leite Río, unha das que peor trata ao sector gandeiro de Europa, a pesar de ser galega.

Que marcas?

Así as cousas, segundo nos contan os compañeiros de as marcas que cumpren os tres criterios citados (prezo superior a 0,61 euros; orixe galego certificado coa marca “Galega 100%” e non ser dun grupo, como leite Río, enfrontado aos gandeiros -Río chegou a deixar de recoller o produto a varias granxas no inicio da crisis-) son, en orde de preferencia segundo a OCU: Feiraco (o leite UHT de Feiraco, Feiraco Unicla e Feiraco Hostelaría) e Larsa (o leite UHT e os iogures).

A gran mobilización do xoves 10

Gandeiros pedindo prezos xustos do leite Se estes días xa hai 4.000 tractores, que pasará en Compostela xornada do xoves 10 de setembro? Ese día é o gran día, o da gran mobilización por Compostela, para o que ademais, o Concello de Mazaricos porá autobuses. Podes chamar ao Concello (981867104) para apuntarte e axudar a facer presión. O xoves, o punto de encontro para os tractores de Mazaricos é ás 9 do luns nas Maroñas, para chegar a Santa Comba ás 10 e a Santiago ás 12. Da Alameda sairá unha manifestación a pé, para realizar unha concentración diante do edificio da Xunta de Galicia, en San Caetano.

Novas relacionadas

Fonte

comentarios