Empate final en San Pedro no derbi costeiro da 1ª, que deixa ao Castriz cun pé no descenso, e ao Camariñas na zona noble.

Vitorión, iso si, da Esteirana que segue pechando a táboa pero se coloca a só 2 puntos da salvación, que marca o propio Castriz e o Fisterra, que sufriu unha dolorosa goleada nunha nova xornada de infinitas baixas.

Ademais, boa vitoria do Muxía en Brión, que lle permite alonxarse moito da zona baixa e facerlle un favor aos rivais que loitan pola permanencia.

Bastavales - Muxía (1-3)

• Muxía: Joel, Mateo, Brais, Carlos Antelo, Iago Muíño, Javi Vilela, Adrián Alcaina, Mauro, Manu Nogueira, Fran Moreira e Róber. Tamén: Iván Bouzón, Alex, Víctor Alcaina, Manu Martínez e Fabián.
• Goles: 0-1, m.11: Carlos Antelo nun córner; 0-2, m.33: Fran Moreira nunha falta; 1-2, m.90: Pablo Castaño; 1-3, m.92: Víctor Alcaina.

Partido marcado polo mal estado do cespede artifical do municipal de Brión, provocando que se tratase dun partido de duelos e segundas xogadas, no que, a pesar das baixas, o equipo de Sergio Pataca competiu moi ben. Marcaron arcamos nun corner e nunha falta nunha primeira parte na que o equipo local apenas xerou un par de ocasións tamén a balín parado. Cando xa se vían os muxiáns cos 3 puntos, un erro permitía que o Bastavales se poña no partido no desconto, pero practicamente na xogada seguinte conseguían sentenciar.

Cire Melide - Fisterra (7-0)

• Fisterra: Josellu, Isma, Colombia, Maikel Mouzo, Quintela, Ángel, Beltrán, Juan Formoso, Guille, Isaac Fábregas e Adrián Makaay. Tamén: Pablo Velay.
• Goles: 1-0, m.2: Asier; 2-0, m.33: David Pereiro de penalti; 3-0, m.36: Álvaro Varela; 4-0, m.39: Asier; 5-0, m.49: Óscar Carro; 6-0, m.57: Dani Pampín; 7-0,m.85: Jacobo.

Con 12 por mor das lesións e as sancións (2), e deles 5 xuvenís, presentouse o Fisterra en Melide para enfrontarse ao Cire. E ao minuto 2 xa recibiu o primeiro, practicamente acabando aí o partido. Non foron capaces de dar 3 pases os fisterráns nun partido que foi un monólogo do cadro local.
Malas novas para os de Leo Picallo, que recuperan aos sancionados; Noe e Dani; pero perde tamén por lesión a Juan Formoso.

Castriz - Camariñas (1-1)

• Castriz: Coke, Fabián, Anxo, Saúl, Fabio Blanco, Marcos Mouro, Adrián García, Chapela, Oscar Feal, Carlos Rieiro e Josiño. Tamén: Iker, Juanjo, Alemán, Fabio Barbeira e Brais.
• Camariñas: Jorge, Víctor, Roi, Oliver (Borja), David, Javi (Anxo), Adam (Martín), Soule, Mario (Asier) e Djibril.
• Goles: 0-1, m.78: Adam de falta directa; 1-1, m.85: Fabián recurtou e marcou ao segundo pau.

Fermoso derbi costeiro en San Pedro, que rematou cun empate xusto tras un empate para cada un. Entrou mellor o Castriz no partido e foi mellor os primeiros 25 minutos tendo un par de ocasións de gol, da man de Josiño e Chapela. A partir do m.25 os de Cabrejo e Faus foron collendo o tono o partido igualando a contenda.

Na segunda o cadro camariñán impoñeu o seu ritmo, tendo un par de boas ocasións de Mario e Roi nas que Coke fixo sendos paradóns. Apretaba a balón parado o cadro visitante, e de falta directa marcou Adam xa afrontando o treito final. Pero tivo arrestos o equipo de Miguel Chouza para reaccionar, e empatar nunha boa xogada do lateral esquerdo, un Fabián, que recurtou e mandou o balón ao pau longo.

Club do Mar - Esteirana (0-1)

• Esteirana: Guille, Kevin Rial, Simón, Godo, Aitor, Sui, Oli, Anxo, Pachi, Anxo Foghete, e Raúl. Tamén: Toni, Pablo Val, Samu León.
• Gol: 0-1, m.86: Pablo Val.

Traballada vitoria da Esteirana, a pesar de novo das numerosas baixas, pero parece que está competindo mellor fóra que na casa o cadro de Adán, que fixo un traballo impresionante, con Sui e Oli mandando e ordeando no medio campo. O equipo estivo moi serio en defensa, moi intenso en todo momento, e facendo dano sobre todo á contra.

Deu aire a entrada dos xuvenís Samu e Pablo Val, e de Toni, que volvía de vacacións, na segunda. Foi Pablo Val o que definiu xa contra o final no man a man tras un bo pase filtrado.

A boa nova, é que con dous partidos, o equipo volve estar aí.

Todas crónicas da 1ª FUTGAL

• X.12: Sacando rédito sobre a bocina.
• X.11: O Castriz supera ao Fisterra nunha xornada máis positiva.
• X.10: O Muxía vence o derbi e escapa do pozo.
• X.9: Esteirana e Castriz respiran.
• X.8: Só suma o Camariñas e os outros 4 equipos costeiros pechan a táboa.
• X.7: Pleno de derrotas que afunde aos 5 equipos costeiros na táboa.
• X.6: Muxía e Fisterra poñen os goles.
• X.5: Dous fermosos derbis.
• X.4: Empate de respecto.
• X.3: Probando o duro sabor da 1ª.
• X.2: O Camariñas pon pé na 1ª cunha remontada espectacular.
• X.1: Sensacións dispares nun comezo bronco.

Máis info

• Todos os resultados e clasificacións en www.futboldacosta.com.