Rescate complicado o que tiveron que realizar as forzas de seguridade este mediodía de mércores 13 de xullo. Unha chamada ás 13:00h alertaba de que unha persoa sufría unha caída mentres facía barranquismo polo río que une Mazaricos coa Serra de Outes, unha zona rica en fervenzas.

Ao lugar desprazábanse os Bombeiros de Santa Comba, os Bombeiros Boiro, Grupo de Emerxencias de Muros, Helicóptero medicalizado H-3, Helicóptero Salvamento Marítimo, Garda Civil, e Protección Civil de Mazaricos.

A vítima tiña unha perna fracturada e non era capaz de abandoar o barranco por sí mesmo nin coa axuda dos seus compañeiros.

Tardaron as forzas en chegar ao lugar e poder baixar ao río, e aínda á súa chegada a vítima estaba na auga. Metérono nunha padiola de rescate e porteárono un tramo arriba polo barranco ata chegar a un claro de vexetación onde se descolgou un rescatador do Helicóptero de Salvamento Marítimo para evacuar ó accidentado subindoo ó helicoptero cunha eslinga.

Misións complicadas ás que se enfrontan os nosos. Rescate dun sendeirista efectuado polo Pesca 1 hoxe en Mazaricos. Coordinado por @112Galicia e coa participación de distintos corpos de emerxencias. pic.twitter.com/LQzYs6SkFD

— Gardacostas Galicia (@GardacostasGal) July 13, 2022