A Asociación de familiares de enfermos de alzheimer de Fisterra e Soneira (AFAFES) e o Concello de Muros veñen de comezar a impartir o programa Activa a Túa mente. Un programa de estimulación cognitiva (obradoiros de memoría) que se desenvolven do 10 de marzo ao 30 de maio más parroquias de Muros, Esteiro e Torea.

A actividade está dirixida ás persoas adultas interesadas na prevención do deterioro cognitivo e o coñecemento do envellecemento activo. E o interese foi tal que xa se ocuparon todas as prazas nas 3 parroquias.

"O obxectivo é o fomento de hábitos saudables dende un enfoque activo e positivo en áreas cognitivas, emocionais, funcionais e sociais, como precursor dun axeitado mantemento de vida independente nas persoas adultas maiores participantes”, explica Mario Martínez, concelleiro de Servizos Sociais de Muros
As sesións, realizaranse dúas veces por semana e teñen unha duración dunha hora e media.