Tiña lugar este pasado un pleno de urxencia no Concellos de Muros para aprobar, ao fío do remate de prazo, as obras do Plan Único da Deputación. Cómpre ver un anaco os primeiros minutos dos vídeos do pleno muradán para comprobar que o ambiente político é semellante ao camariñán.
Para a oposición a convocatoria de urxencia non está xustificada pois os prazos levan meses sinalados.

A nota máis importante do pleno muradán foi a aprobación da primeira fase da rehabilitación do cine París (cementos, paredes exteriores, estrutura e tellado). Unha obra tremendamente necesaria, que conta cun proxecto redactado dende 2011, pero que foi esquecido dende entón. Ademais, o edificio cada día está máis deteriorado, mesmo cos teitos caendo.

Dende a oposición lamentan que non haia unha planificación de usos para o edificio.

Outros proxectos

O POS tamén permitirá desenvolver a renovación vestiarios campo de fútbol de Muros; o arranxo Praza do Cristo de Tal; a Rede hidráulica (saneamento, pluviais e abastecemento auga potable) e melloras no Chalón; o cambio pavimento do pavillón de Miraflores e o mantemento das estruturas metálicas nas instalacións deportivas (gradas dos campos de fútbol de Louro e Esteiro e clube de remo de Esteiro) e a reparación da cuberta e da estrutura metálica do pavillón de Esteiro.

Novas relacionadas

• Decembro 16: O BNG de Muros-Noia lembra o esquecemento do Cine París e dun plan leiteiro para Mazaricos.
• 2011: O Cine París xa ten proxecto de rehabilitación.

Fonte

• Redacción de QPC ([email protected]).